Posted: 12/13/2011 04:57 PM IST

చిరంజీవి... అంటే తెలియని వారు ఉండరు. అంతగా పేరు ప్రఖ్యాతలు సంపాదించుకున్నాడు. అటు నటనలో కానీ, ఇటు ప్రజాసేవలో కానీ మంచి పేరు సంపాదించుకున్నాడు. చిరంజీవి మరింత సేవ చేయాలనే ఉద్ధేశ్యంతో రాజకీయ పార్టీని కూడా పెట్టాడు. కానీ రాజకీయాల్లో ఓనమాలు కూడా తెలియని చిరంజీవి అందులో విఫలం అయ్యాడనే చెప్పాలి. అయినా కూడా రాజకీయాలను వదలకుండా తన పార్టీని కాంగ్రెస్ లో కలిపి రాజకీయనాయకుడిగా తన ప్రస్థానం కొనసాగిస్తున్నాడు.

చిరంజీవి సినిమాల్లో , రాజకీయాల్లోకి రాకముందు కింగ్... కానీ రాజకీయాల్లోకి వచ్చిన తరువాత కొంత దెబ్బతిన్నాడు. రాజకీయాల్లోకి వచ్చాక జీవిత రాజశేఖర్, రోజా లాంటి వాళ్ళతో కూడా ప్రజల కోసం మాటలు పడ్డాడు. వాటన్నింటిని భరించి చిరంజీవి ప్రజల కోసం సేవ చేయాలనుకున్నాడు. దాని కోసం తన పార్టీని విలీనం చేసి పదవి కోసం ఆశగా ఎదురు చూస్తున్నాడు. ఎందుకంటే సేవ చేయాలంటే అధికారం కావాలి కాబట్టి.

కాంగ్రెస్ లో పార్టీని విలీనం చేసినందుకు చిరుకి కేంద్రంలో మంత్రి పదవి ఇవ్వాలని అధిష్టానం ఎప్పటి నుండో అనుకుంటుంది. కానీ ఇన్ని రోజులు సమయం కుదరలేదు. ఎట్టకేలకు నిన్న కేంద్రం చిరుకి పదవి ఇవ్వాలని డిసైట్ అవ్వటంతో చిరు సంతోషానికి అవదులు లేవట.
ఈ విషయం తెలుసుకున్న చిరు తన సెల్ ఫోన్ ని ఎల్లప్పుడు తన చేతిలో ఉంచుకుంటున్నాడట. సాధారణంగా సెల్ ఫోన్ పీఏ దగ్గర ఉంటుంది. కానీ చిరుకి ఈ విషయం తెలినప్పటి నుండి తన చేతిలోనే ఉంచుకుంటున్నాడట. ఏ క్షణం అయినా కేంద్రం నుండి ఫోన్ రావచ్చనే ఉద్ధేశ్యంతో సెల్ ఫోన్ ఎప్పుడు చూస్తున్నాడట. ఈ మద్య కొత్త కొత్త కాల్స్ కూడా అటెండ్ చేస్తున్నాడట. ఏ నెంబర్ నుండైనా కేంద్రం నుండి ఫోన్ రావచ్చనే ఉద్దేశ్యంతో ప్రతి కాల్ ని తానే స్వయంగా చూస్తున్నాడట.
ఇవన్నీ చూస్తుంటే చిరుకి కేంద్రంలోకి ఎప్పుడెప్పుడు పోదామా, ఎప్పుడెప్పుడు ప్రజలకు మంచి చేద్దామా అనే ఉత్సాహంతో ఈ విధంగా చేస్తున్నాడని అనుకుంటున్నారు.