Posted: 11/25/2011 12:27 PM IST

రాష్ట్రంలో ప్రస్తుతం టీవీలో ఎన్నో ఛానళ్ళు ప్రసారం అవుతున్నాయి. ఈ ఛానల్స్ కాక మీరు ఏమయిన మిస్సయ్యారా? మీరు మిస్సయ్యారు? అదేంటి అన్ని ఛానళ్ళు దాదాపుగా చూస్తాం కదా ? మరి ఏ ఛానల్ మిస్సయ్యాం అని అనుకుంటున్నారా ? మీరు మిస్సయ్యింది సరేశ్వర ఛానల్.

సర్వేశ్వర ఛానల్ ఎక్కడుంది అని టీవీ అంత వెతకేయకండి... అది ఇంకా ప్రారంభం కాకముందే ఆగిపోయింది. దాంతో మీరు ఈ ఛానల్ ని మిస్సనట్లే కదా.... ఈ సర్వేశ్వర ఛానెల్ స్టోరీ ఏంటంటే.....

రంగారెడ్డి జిల్లాలో ఓఎస్టీగా విధులు నిర్వహిస్తున్న అధికారి సర్వేశ్వర రెడ్డి. ఈయన ఓ కొత్త టీవీ ఛానెల్ ని ప్రారంభించాలని ప్రయత్నాలు మొదలు పెట్టాడు. ఒక ప్రభుత్వ అధికారి ఛానెల్ పెట్టేంత డబ్బు సంపాదించాడా ? అనే అనుమానం మీకు రావచ్చు. మమూలుగా ఓ ప్రభుత్వ అధికారి  ఛానెల్ పెట్టేంత డబ్బు సంపాదించలేడు ఈ కాలంలో. కానీ ప్రభుత్వ అధికారి మన సర్వేశ్వర్ రెడ్డి మాత్రం ఏ రాజకీయ నాయకుడు సంపాదించనంత సంపాదించాడు. అతను సంపాదించింది ఎంతంటే దాదాపు 100 కోట్లు. ఇతను సంపాదించింది చూస్తే మీకు ఇతను ఆర్థిక శాఖలోనో, ఆ శాఖ ముఖ్య అధికారిగానో పని చేయడం లేదు. కానీ ఇతను ఇలా సంపాదించాడంటే.... ఒక రాష్ట్రమంత్రి కుమారుడితో కుమ్మక్కై జరిపిన అక్రమాలతో ఇంత సంపాదించాడు.

ఈ డబ్బుతోనే అతను సర్వేశ్వర ఛానెల్ పెట్టాలని అనుకున్నాడు. కానీ పాపం ఆ విధి వక్రించిందో లేక ఆ సర్వేశ్వరుడు కరుణించలేదో లేక ఆ డబ్బును సర్వేశ్వరుడు సకల జనులకు పంచాలని తలిచాడో కానీ ‘సర్వేశ్వరరెడ్డి’ ఏసీబీ అధికారులకు చిక్కాడు. దీంతో అతన్ని పోలీసులు అరెస్టు చేశాడు. అరెస్టు చేయకపోయింటే మన ముందుకు ‘సర్వేశ్వర ఛానెల్’ వచ్చుండేది. ఇతను తరువాత ఒక రాజకీయ పార్టీ నుండి ఎమ్మేల్యేగా పోటీ చేయాలని కూడా భావించాడు. కానీ ఇతని గుట్టు రట్టయ్యింది.

ఇతను మంత్రి కుమారుడితో కలిసి అక్రమాలకు పాల్పడ్డాడు కానీ... ఇతను ఇంత సంపాదించడానికి రోల్ మోడల్ తీసుకున్నది మాత్రం అక్రమంగా లక్షకోట్లు సంపాదించిన మన జగన్ ట. భవిష్యత్తులో ఛానెల్ పెట్టి, రాజకీయ వేత్తగా ఎదిగి జగన్ అంత సంపాదించాలనేది ఇతని ఆశయమని ప్రజలు అనుకుంటున్నారు.