సతీష్ కుమార్ స్వర్ణంతో భారత్ ఖాతాలో మూడు..

Posted: 04/07/2018 12:32 PM IST

Cwg 2018 sathish kumar sivalingam wins gold medal in 77 kg weightlifting

ఆస్ట్రేలియాలోని గోల్డ్ కోస్ట్ లో జరుగుతున్న కామన్వెల్త్ గేమ్స్‌లో భారత్‌ కు మరో స్వర్ణం వచ్చింది. వరుసగా మూడు రోజుల నుండి ఒక్కటే విభాగంలో భారత క్రీడాకారులు స్వర్ణ పతకాలను సాధిస్తున్నారు. తొలి రోజు ఇదే వెయిట్ లిఫ్టింగ్ క్రీడలోనే మీరాబాయి చాను తొలి స్వర్ణాన్ని అందించగా, మలి స్వర్ణాన్ని మరో వెయిట్ లిఫ్టర్ సంజిత చాను నిన్న భారత్ కు అందించింది. ఇక మూడవ రోజు ఈ బాధ్యతను పురుష క్రీడాకారులు తమ భుజాలపై వేసుకున్నారు.

పసిడిని సాధించాటన్న పట్టుదలతో వున్న సతీష్ కుమార్ శివలింగం తన ప్రత్యర్థుల కంటే అధికంగా వెయిట్ లిఫ్టింగ్ చేసి భారత మాత సిగలోకి మరో పసిడిని చేర్చాడు. రెండు రౌండ్లలో కలసి సతీష్ కుమార్ మొత్తంగా 317 కిలోల బరుపును ఎత్తాడు. తనకు పోటీగా బరిలో నిలిచిన ఇంగ్లాండ్ క్రీడాకారుడు జాక్ ఒలివర్ 312 కిలోలు, అస్ట్రేలియాకు చెందని ప్రాన్ కోయిస్ ఇటౌండీ 305 కిలోల బరువును ఎత్తారు.

దీంతో సతీష్ కుమార్ శివలింగానికి స్వర్ణ పతకం వరించింది. కామన్వెల్త్ క్రీడల్లో భారత్ ఇప్పటి వరకు మూడు స్వర్ణాలు, ఒక రజతం, ఒక కాంస్య పతకాన్ని సొంతం చేసుకుంది. కాగా సతీష్ కుమార్ శివలింగంపై దేశవ్యాప్తంగా నెట్ జనులు ప్రశంసలు కురిపిస్తున్నారు. మాజీ డాషింగ్ క్రికెటర్ వీరేంద్ర సెహ్వాగ్ కూడా అభినందించారు. ఉదయాన్నే మరో శుభవార్తను చెప్పారని.. కంగ్రాట్స్ అంటూ ట్వీట్ చేశాడు. ఇక తమకు సరైన ఫిక్సోధెరఫిస్టు, కోచ్ లు లేరిని పేర్కొంటూ ఇటీవల శివలింగం పెట్టిన పోస్టు ఇప్పుడు వైరల్ అవుతుంది.