రోడ్డుప్రమాదంలో 9మంది కబడ్డీ ఆటగాళ్ల మృతి

Posted: 09/20/2015 07:11 PM IST

ఒడిశాలో విషాదం చోటు చేసుకుంది. రాష్ట్రంలోని సుందర్గఢ్ జిల్లా లాహునిపరా - బహర్పోసి రహదారిలో వెళ్తున్న మినీ ట్రక్ బోల్తా పడటంతో.. అందులో ప్రయాణిస్తున్న 9 కబడ్డీ ఆటగాళ్ల మరణించారు. మరో 15 మంది కబడ్డీ అటగాళ్లు తీవ్రగాయాలపాలయ్యారు. కబడ్డీ అటగాళ్లు ప్రయాణిస్తున్న మినీ ట్రక్ బొల్తా పడటంతో ఈ విషాదం చోటుచేసుకుంది. ఈ ఘటనపై సమాచారం అందుకున్న పోలీసులు సంఘటన స్థలానికి చేరుకుని... క్షతగాత్రులను సమీపంలోని ఆసుపత్రికి తరలించారు.

ఈ ప్రమాదంలో ముగ్గురు క్రీడాకారులు అక్కడికక్కడే మరణించగా... మరో ఐదుగురు క్రీడాకారులు ఆసుపత్రిలో చికిత్స పొందుతు మృతి చెందారని పోలీసు ఉన్నతాధికారి ఆదివారం వెల్లడించారు. దుడిగాంలో వీరంతా టోర్నమెంట్లో పాల్గొని వస్తున్న క్రమంలో ఈ ప్రమాదం చోటు చేసుకుందని చెప్పారు. సహాయక చర్యలు కొనసాగుతున్నాయని చెప్పారు. అయితే క్షతగాత్రుల్లో కొందరి పరిస్థితి ఆందోళనకరంగా ఉందని... ఈ నేపథ్యంలో వారిని మెరుగైన వైద్య చికిత్స కోసం రూర్కెలా తరలిస్తున్నట్లు చెప్పారు.

జి. మనోహర్