ధోనిపై అప్పుడే ఊహాగానాలు వదన్న కోచ్.!

Posted: 11/26/2019 09:25 PM IST

టీమిండియాలో భారత మాజీ కెప్టెన్ మహేంద్ర సింగ్ ధోనీ కనిపించక నెలలు గడుస్తోంది. వన్డే వరల్డ్ కప్ తర్వాత జట్టకు దూరమైన ధోని.. ఆ తరువాత రెండు నెలల పాటు భారత ఆర్మీతో కలసి సేవలందించాడు. ఆ తరువాత తిరిగివచ్చినా అతనికి బంగ్లా జట్టు, ఇక రాబోయే విండీస్ జట్టుకు ఆయన ఎంపిక కాలేదు. ఈ నేపథ్యంలో తాను అందుబాటులో ఉండేదీ లేనిదీ ధోనీ చెప్పకపోవడం కూడా అతన్ని సెలక్టర్లు ఎంపిక చేయకపోవడం కారణంగా కనిపిస్తోంది. ఈ క్రమంలో ధోనీ భవితవ్యంపై టీమిండియా కోచ్ రవిశాస్త్రి స్పందించారు.

మిస్టర్ కూల్ మహేంద్ర సింగ్ ధోనీ మైదానంలో దిగితేనే అతనిపై ఓ స్పష్టత వస్తుందని అప్పటి వరకు ధోనిపై ఎవరి ఊహాగానాలు వారివేనన్నారు. అయితే ధోని మైదనాంలోకి ఎప్పుడు దిగుతాడా అంటే.. దానిపై కూడా శాస్త్రీ క్లారిటీ ఇచ్చేశాడు. ఐపీఎల్ సీజన్ 13 వరకు ఆగాలని, ఇప్పటి నుంచే ఊహాగానాలు చేయవద్దని తెలిపారు. ఐపీఎల్ లో ధోనీ ఆటతీరే అతని భవిష్యత్తును నిర్ణయిస్తుందని ఓ ప్రశ్నకు సమాధానంగా చెప్పారు. వచ్చే ఏడాది టీ20 వరల్డ్ కప్ ముందు జరిగే ఐపీఎల్ ఆటగాళ్ల ఎంపికలో కీలకంగా మారే అవకాశం ఉందని అభిప్రాయపడ్డారు.