ఆసీస్ తరువాత కివీస్ పై కూడా చరిత్రను తిరగరాస్తారని కోటి ఆశలతో ఎదరుచూసిన టీమిండియా అభిమానులకు మెన్ ఇన్ బ్లూ నిరాశనే మిగిల్చారు. న్యూజీలాండ్ గడ్డపై 52 ఏళ్ల సుదీర్గ చరిత్రను తిరగరాసే అవకాశాన్ని చేజేతులా కోల్పోయారు. అసీస్ పర్యటనతో పాటు కివీస్ గడ్డపై జరిగిన మూడు వన్డేలలో సమష్టిగా రాణించిన టీమిండియా బౌలర్లు, బ్యాట్స్మెన్లు.. సీరీస్ చేతికందగానే చతికిలపడిపోయారు.
హామిల్టన్ వేదికగా జరగనున్న నాలుగో వన్డేలో గెలిచి ఐదు దశాబ్దాల రికార్డును తిరగరాస్తారని ఎదురుచూసిన టీమిండియా అభిమానులకు నిరాశ మిగిలింది. అంతేకాదు గత ఎనమిదేళ్లలో ఎన్నడూ లేనట్టుగా మరోమారు కేవలం వంద పరుగులలోపే (కేవలం 92) స్కోరునే నమోదు చేసి చెత్త రికార్డును మూటగట్టుకుంది. టాస్ గెలిచిన న్యూజిలాండ్ కెప్టెన్ కేన్ విలియమ్సన్ మరో ఆలోచన లేకుండా ఫీల్డింగ్ ఎంచుకున్నాడు.
న్యూజీలాండ్ పేసర్లు ట్రెంట్ బౌల్ట్ (5/21), గ్రాండ్హోమ్ (3/26) ధాటికి భారత బాట్స్ మెన్లు వరుసగా వికెట్లు సమర్పించుకుని కేవలం 30.5 ఓవర్లకే చాపచుట్టేశారు. టీమిండియా బ్యాట్స్ మెన్లతో మొత్తంగా ఏడుగురు ఇవాళ జరిగిన మ్యాచులో సింగిల్ డిజిట్ పరుగులకే పరిమితమయ్యారు. ట్రెంట్ బౌల్ట్ వరుస ఓవర్లలో భారత్ ఓపెనర్లు శిఖర్ ధావన్ (13: 20 బంతుల్లో 1x4, 1x6), రోహిత్ శర్మ (7: 23 బంతుల్లో) వికెట్లను పడగొట్టాడు. దీంతో.. ఒత్తిడికి గురైన అంబటి రాయుడు (0), దినేశ్ కార్తీక్ (0) ఒకే ఓవర్లో గ్రాండ్హోమ్కి వికెట్లు సమర్పించుకోగా.. కోహ్లీ స్థానంలో తుది జట్టులో చోటు దక్కించుకున్న అరంగేట్రం బ్యాట్స్మెన్ శుభమన్ గిల్ (9: 21 బంతుల్లో 1x4) కూడా నిరాశపరిచాడు.
ఈ దశలో ఆదుకుంటారని ఆశించిన కేదార్ జాదవ్ (1: 7 బంతుల్లో), హార్దిక్ పాండ్య (16: 20 బంతుల్లో 4x4) చేతులెత్తేయగా.. భువనేశ్వర్ (1: 12 బంతుల్లో) ఫెయిలయ్యాడు. అయితే.. ఆఖర్లో కుల్దీప్ యాదవ్ (15: 33 బంతుల్లో 1x4), చాహల్ జోడీ కాసేపు కివీస్ బౌలర్లకి ఎదురునిలిచి వికెట్ల పతనాన్ని అడ్డుకుంది. అనంతరం 93 పరుగలు విజయలక్ష్యంతో బరిలోకి దిగిన న్యూజీలాండ్.. దూకుడుగా ఆడటంతో 8 వికెట్ల తేడాతో టీమిండియాపై గెలిచింది. రాస్ టేలర్ (37), హెన్రీ నికోలస్ (30)లతో రాణించి టీమిండియాపై విజయాన్ని నమోదు చేశారు.
కెప్టెన్ విరాట్ కోహ్లీకి సెలక్టర్లు విశ్రాంతినివ్వగా.. తొడ కండరాల గాయం కారణంగా మహేంద్రసింగ్ ధోనీ ఈ మ్యాచ్కి దూరమయ్యాడు. ఐదు వన్డేల సిరీస్ని భారత్ ఇప్పటికే 3-0తో కైవసం చేసుకున్న విషయం తెలిసిందే. తాజాగా విజయంతో న్యూజిలాండ్ ఎట్టకేలకి భారత్ ఆధిక్యాన్ని 1-3కి తగ్గించింది. ఇక సిరీస్లో మిగిలిన ఆఖరి వన్డే ఆదివారం ఉదయం 7.30 గంటలకి హామిల్టన్ వేదికగా జరగనుంది. ఇదిలావుండగా, 2010 తర్వాత భారత్ జట్టు 100 పరుగులలోపే వన్డేలో కుప్పకూలడం ఇదే తొలిసారి. కాగా.. అప్పుడూ న్యూజిలాండ్ చేతిలోనే ఈ పరాభవాన్ని చవిచూసింది. సుదీర్ఘ వన్డే క్రికెట్ చరిత్రలో భారత్ జట్టు తక్కువ స్కోరుకి ఆలౌటైన మ్యాచ్లను ఓసారి పరిశీలిస్తే..!
1. శ్రీలంకతో 2000లో షార్జా వేదికగా జరిగిన మ్యాచ్లో భారత్ 54 పరుగులకే ఆలౌటైంది.
2. ఆస్ట్రేలియాతో 1981లో సిడ్నీ వేదికగా జరిగిన వన్డేలో 63కే ఆలౌటైంది.
3. శ్రీలంకతో 1986లో కాన్పు వేదికగా జరిగిన మ్యాచ్లో 78కి కుప్పకూలింది.
4. పాకిస్థాన్తో 1978లో సైల్కోట్ వేదికగా జరిగిన మ్యాచ్లో 79కి ఆలౌట్
5. న్యూజిలాండ్తో 2010లో దంబుల్లా వేదికగా జరిగిన వన్డేలో 88 పరుగులకి ఆలౌట్
6. దక్షిణాఫ్రికాతో 2006లో డర్బన్ వేదికగా జరిగిన మ్యాచ్లో భారత్ 91కి ఆలౌట్
7. ఆస్ట్రేలియాతో 2000లో సిడ్నీ వేదికగా జరిగిన వన్డేలో 100 పరుగులకి ఆలౌట్
(And get your daily news straight to your inbox)
Sep 27 | టీమిండియా జట్టుకు వరుస సంతోషాలు సొంతం అవుతున్నాయి. ప్రపంచ చాంపియన్ ఆస్ట్రేలియాపై టి20 సిరీస్ను గెల్చుకున్న టీమిండియాకు.. ఆ వెంటనే అంతర్జాతీయ క్రికెట్ కౌన్సిల్ (ఐసీసీ) విడుదల చేసిన జట్టు ర్యాంకింగ్స్లోనూ టీమిండియా జట్టు... Read more
Sep 27 | ఇంగ్లండ్ పర్యటనలో అతిధ్య జట్టును వారి సోంతగడ్డపైనే ఓడించి సిరీస్ ను కైవసం చేసుకున్న టీమిండియా.. జోష్ కొరవడింది. అందుకు కారణం మూడవ మ్యాచులో షార్లట్ డీన్ రనౌట్ అసంబద్దమైనదని బౌలర్ దీప్తిశర్మ సహా... Read more
Sep 27 | ఇంగ్లండ్, భారత్ మహిళల మ్యాచ్లో దీప్తి శర్మ చేసిన రనౌట్ వివాదాస్పదమైన సంగతి తెలిసిందే. అప్పటికే 9 వికెట్లు కోల్పోయిన ఇంగ్లండ్ను గెలిపించేందుకు ప్రయత్నిస్తున్న షార్లెట్ డీన్.. నాన్స్ట్రైకర్ ఎండ్లో ఉండగా దీప్తి శర్మ... Read more
Sep 22 | తెలుగువాళ్లు అన్నీరంగాల్లోనూ బాగా రాణిస్తున్నారు. విద్యా, వ్యాపార, వాణిజ్య, సినీ, రాజకీయ రంగాలతో పాటు ఇందుగలడు అందులేడన్న సందేహము వలదు ఎందెందు వెతికినా అందుగలడు తెలుగువాడు అన్నట్టుగా ఏ రంగంలో చూసినా తెలుగువారు తమ... Read more
Sep 17 | టీమిండియా క్రికెటర్ వెంకటేశ్ అయ్యర్ పెను ప్రమాదం నుంచి తప్పించుకున్నాడు. టీమిండియాతో పాటు ఐపీఎల్ లోనూ తన సత్తా చాటిన ఈ క్రికెటర్.. దులీప్ ట్రోఫీలో సెంట్రల్ జోన్ జట్టుకు ఆడుతుండగా అతనికి పెను... Read more