‘దిస్ ఈజ్ నాట్ లైక్ ఎ గబ్బర్’.. ధావన్ ఎందుకిలా..?

Posted: 11/30/2017 07:44 PM IST

భారత క్రికెటర్ శిఖర్ ధావన్‌ గ్రౌండ్ లో బ్యాటింగ్ చేస్తున్నప్పుడు చాలా ఉద్వేగంగా అడతాడు. అలానే కనిపిస్తాడు కూడా. ఇక తాను అర్థశతకమో లేక శతకాన్ని నమోదు చేస్తే తన చేతుల తొడకొట్టేస్తాయి.. అంతేకాదు మీసాన్నికూడా మేలాయిస్తాయి. అదిరా గబ్బర్ అంటే అంటూ చేసేస్తాయి. ఇలాంటి ధావన్ ఫీల్డింగ్ లో మాత్రం తొలి అటగాళ్లతో ఎంతో సరదగా కనిపిస్తాడు. దీంతో ఎందరెందరికో ఆయన అభిమాన క్రికెటర్ గా కూడా మారిపోయాడు.

అలాంటి ధావన్ ఓ అభిమానిపై ఆగ్రహం ప్రదర్శించాడు. సెల్ఫీ దిగాలని వచ్చిన అతన్ని తోసేశాడు. ఇందుకు సంబంధించిన వీడియో ఇప్పుడు నెట్టింట్లో వైరల్‌గా మారింది. లంకతో మూడో టెస్టు కోసం టీమిండియా దిల్లీ చేరుకుంది. ఈ నేపథ్యంలో ధావన్‌ తాజాగా ఓ కార్యక్రమానికి హాజరయ్యాడు. అభిమాన క్రికెటర్‌ను చూసేందుకు పెద్ద సంఖ్యలో అభిమానులు తరలివచ్చారు. అంతటితో ఆగారా. ధావన్‌తో కరచాలనం చేయాలని, సెల్ఫీ దిగాలని ప్రయత్నించారు. ఓ అభిమాని సెల్ఫీ కోసం తీవ్రంగా ప్రయత్నించగా గబ్బర్‌ ఆగ్రహానికి గురయ్యాడు.

దీంతో ఆ అభిమానిని అక్కడి నుంచి వెళ్లిపొమ్మని తోసేశాడు. ఇదంతా అక్కడే ఉన్న వారు తమ ఫోన్లలో బంధించారు. సామాజిక మాధ్యమాల్లో పంచుకున్నారు. దీంతో ఇది కాస్త వైరల్‌గా మారింది. ఎప్పుడూ ఎంతో సరదాగా ఉండే గబ్బర్‌కు తన చేష్టలతో అభిమానే చిరాకు తప్పించాడని కొందరు క్రికెటర్‌కు మద్దతు పలికారు. భద్రతా సిబ్బందిని దాటి వచ్చి మరీ కోహ్లీ సెల్ఫీలు దిగుతుంటే ధావన్‌కు ఏమైంది అంటూ పలువురు ఆగ్రహం వ్యక్తం చేశారు.