పాకిస్థాన్ జట్టు క్రికెటర్లకు ఫీజులో కోత

Posted: 06/13/2017 08:56 PM IST

ఛాంపియన్స్ ట్రోఫీలో భాగంగా శ్రీలంకపై విజయం సాధించి.. సెమీఫైనల్స్ లోకి దూసుకెళ్లిన పాకిస్థాన్ జట్టుకు షాక్ తగిలింది. పాకిస్తాన్ జట్టుకు మ్యాచ్‌ రిఫరీల ప్యానల్‌ ఝలక్ ఇచ్చింది. స్లో ఓవర్ రేట్ అందుకు కారణమైంది. నిర్ణీత సమయం నిర్ధేశించి సంఖ్యలో ఓవర్లను వేయడం కన్నా తక్కువ ఓవర్లు వేసినందుకు గాను జరిమానా విధించింది. పాక్‌ క్రికెటర్లకు మ్యాచ్‌ ఫీజులో 10 శాతం చొప్పున కోత విధించింది. కెప్టెన్ సర్ఫరాజ్ అహ్మద్ కు 20 శాతం జరిమానా వేసింది. ఐసీసీ ప్రవర్తనా నియమావళిలోని 2.5.1 నిబంధన కింద ఈ చర్య తీసుకుంది.

అయితే రెఫరెల్ ప్యానల్ అరోపణలను అంగీకరించిన పాకిస్తాన్ జట్టు తమ తప్పును ఒప్పుకుని జరిమానా చెల్లింపు సుముఖత వ్యక్తం చేయడంతో దీనిపై ఇక ఎటువంటి విచారణ జరపాల్సిన అవరసరం లేకుండా పోయింది. అయితే రెండోసారి కూడా పాక్‌ జట్టు ఇదే తప్పు చేస్తే కెప్టెన్‌ సర్ఫరాజ్‌ను ఒక మ్యాచ్‌ ఆడకుండా నిషేధం ఎదుర్కొవాల్సి వుంటుంది. కాగా, బుధవారం జరిగనున్న సెమీఫైనల్లో ఇంగ్లండ్‌ జట్టుతో పాకిస్తాన్‌ తలపడనుంది.