పసికూనపై గెలిచిన దక్షిణాఫ్రికా.. పోరాడి ఓడిన జింబాబ్వే..

Posted: 02/15/2015 07:30 PM IST

అంతర్జాతీయ క్రికెట్ కౌన్సిల్ ఆధ్వర్యంలో నిర్వహిస్తున్న ప్రపంచకప్ లో భాగంగా పూల్ బిలో పసికూనలపై దక్షిణాఫ్రికా విజయం సాధించింది. దక్షిణాఫ్రికాతో జరిగిన పోరులో వీరోచితంగా పోరాడిన బింబాబ్వే చిట్టచివరకు ఓటమిని చవిచూసింది. 340 పరుగుల విజయలక్ష్యంతో బ్యాటింగ్ ఆరంభించిన జింబాబ్వే ఆదిలో దూకుడుగా ఆడినా చివర్లో బోల్తాపడి ఓటమిని చవిచూసింది. ఆదిలో సఫారీలను వణికించిన జింబాబ్వే 62 పరుగుల తేడాతో  ఓటమి చెందింది.  ఓ దశలో జింబాబ్వే విజయం సాధించే అవకాశం ఉందని అంతా భావించారు. అయితే దక్షిణాఫ్రికా పటిష్ట బౌలింగ్ ముందు అండర్ డాగ్ జింబాబ్వే తలవంచక తప్పలేదు.
 
జింబాబ్వే ఆటగాళ్లలో చిబాబా(64), మసకజ్జా (80), టేలర్(40) పరుగులు చేసి కాసేపు సఫారీలకు దడ పుట్టించారు.  కాగా చివరి వరసు ఆటగాళ్ల పూర్తిగా వైఫల్యం చెందడంతో జింబాబ్వే 48.2 ఓవర్లలో 277 పరుగులకే పరిమితమై ఓటమి చెందింది. అంతకుముందు బ్యాటింగ్ చేసిన దక్షిణాఫ్రికా నిర్ణీత ఓవర్లలో 339 పరుగులు చేసింది

 

జి మనోహర్