వన్డే సమరానికి సిద్దమైన ఇరు జట్లు

Posted: 11/20/2013 11:48 AM IST

మొన్నటి వరకు భారత క్రికెట్ దేవుడు సచిన్ టెండూల్కర్ ఆడుతున్న ఆఖరి సిరీస్ హడావుడిలో ఉండి, ఆయనకు ఘనంగా వీడ్కోలు పలికి తన అభిమానాన్ని చాటుకున్న టీం ఇండియా క్రికెట్ జట్టు ఆటగాళ్ళు రేపటి నుండి విండీస్ తో మూడు వన్డేల సిరీస్ కి రెడీ అయ్యారు.. రేపటి నుండి కొచిలో జరిగే తొలి మ్యాచ్ (డేనైట్) తో ఈ వన్డే సిరీస్ కి తెరలేవ బోతుంది. ఇక ఈ మ్యాచ్ ఆడేందుకు రెండు జట్లు కోచి చేరుకొని  సాధన చేశాయి. వీరికి కేరళ క్రికెట్ అసోషియేషన్ ఘనంగా వీడ్కోలు పలికారు.

ఇక పిచ్ విషయానికి వస్తే (బ్యాటింగ్, బౌలింగ్ ) కి అనుకూలించే పిచ్ ని తయారు చేస్తున్నట్లు, 270 పై చిలుకు  పరుగులు సాధించే అవకాశం ఉంటుందని పిచ్ క్యూరేటర్ తెలిపాడు. భారత పర్యటనలో రెండు టెస్టుల్లో ఘోరంగా ఓడిన విండీస్ కనీసం వన్డే సిరీస్ ని అయినా గెలవాలనే పట్టుదలతో ఉంది. మొదటి వన్డే కొచ్చిలో 21న , రెండో వన్డే విశాఖలో 24న, మూడో వన్డే కాన్పూర్ లో 27న జరగనున్నాయి.