దీపికాతో దినేష్ పెళ్లి

Posted: 11/29/2013 01:20 PM IST

Cricketer dinesh karthik engaged to squash player dipika pallikal

సువిశాలమైన క్రికెట్ మైదానంలో బంతులతో ఆటఆడే క్రికెటర్లు రియల్ లైఫ్ లో అమ్మాయిలతో కూడా ప్రేమాటలాడుతుంటారు. ఇప్పటికే చాలా మంది క్రికెటర్లు ప్రేమలో పడి పెళ్లిళ్లు కూడా చేసుకున్న సంఘటనలు ఉన్నాయి. టీమ్ ఇండియా యువ ఆటగాడు అయిన దినేష్ కార్తీక్ ఇటీవలి కాలంలో జట్టులో లేక ఖాళీగా ఉంటున్నాడు.

ఈ సమయంలో భారత స్టార్ స్క్వాష్ క్రీడాకారిణి అయిన దీపికా పల్లికల్ తో ప్రేమలో మునగడమే గత కొంత కాలంగా డేటింగ్ కూడా చేస్తున్నారట. ఇన్ని రోజులు డేటింగ్ చేసిన వీరు మూడు ముళ్ల బందంతో ఒక్కటవ్వాలని నిర్ణయించుకొని ఇంట్లో పెద్దలను ఒప్పించి ఇటీవల రహస్యంగా నిశ్చితార్థం కూడా చేసుకున్నారని దీపికా తెలిపింది. ఒకే జిమ్ లో వ్యాయామ పాఠాలు నేర్చుకుంటున్న సమయంలో వీరిద్దరి మధ్య ప్రేమ చిగురించింది. ఛాంపియన్స్ ట్రోఫీ సందర్బంగా కార్తీక్, పల్లికల్ ఇంగ్లాండులో చెట్టాపట్టాల్ వేసుకొని తిరిగారని కూడా వార్తలు.

చెన్నై వాసులే అయిన వీరిద్దరు పెళ్లి పీఠలెక్కడానికి రెడీ అవుతున్నారు. అన్నట్లు దీనేష్ కి ఇది రెండో వివాహం. 2007లో నిఖిత అనే అమ్మాయిని వివాహం చేసుకొని ఆ తరువాత విడిపోయారు. పల్లికల్ తో ఎన్ని రోజులు సంపారం చేస్తాడో ఈ వికెట్ కీపర్.