ముంబై టెస్టులో భారత్ విజయ ఢంకా

Posted: 11/16/2013 01:35 PM IST

సచిన్ టెండూల్కర్ తన కెరియర్లో ఆడుతున్న చిట్టి చివరి మ్యాచ్ లో భారత్ ఘన విజయం సాధించి సచిన్ కి ఘనంగా వీడ్కోలు పలికింది. విస్టిండీస్ తో జరిగిన రెండు మ్యాచ్ ల సిరీస్ లో భారత్ 2-0 తేడాతో గెలిచింది. మొదటి టెస్టులో ఇన్నింగ్స్ తేడాతో గెలిచిన టీం ఇండియా రెండో టెస్టును కూడా సచిన్ సొంత మైదానంలో ఇన్నింగ్స్ 126 పరుగుల భారీ తేడాతో మూడు రోజుల్లోనే గెలిచింది. దీంతో భారత్ సిరీస్ ను 2-0 తో గెల్చుకుంది. తొలి ఇన్నింగ్స్ లో  విస్టిండీస్ భారత బౌలర్ల ధాటికి 182 పరుగులకే కుప్పకూలింది.

రెండో ఇన్నింగ్స్ లో కూడా 187 పరుగులు మాత్రమే చేసి భారీ పరాజయాన్ని మూట గట్టుకుంది. తొలి ఇన్నింగ్స్ లో తన అద్భుతమైన ప్రదర్శనతో (74) పరుగులతో భారీ స్కోరుకు బాటలు వేసిన సచిన్ మిగతా బ్యాట్స్ మెన్స్ పుజారా, రోహిత్ శర్మలు శకాలతో 495 పరుగుల భారీ స్కోరు చేశారు. దీంతో భారత్ కి 303 పరుగుల ఆధిక్యం లభించింది. 43/3 ఓవర్నైట్ స్కోరుతో శనివారం రెండో ఇన్నింగ్స్ కొనసాగించిన విండీస్ 187 పరుగులకు కుప్పకూలింది. భారత స్పిన్నర్లు ప్రజ్ఞాన్ ఓజా, అశ్విన్ విండీస్ పతనాన్ని శాసించారు.

రెండో ఇన్నింగ్స్లో ఓజా ఐదు, అశ్విన్ నాలుగు వికెట్లు పడగొట్టారు. రెండో ఇన్నింగ్స్ ఆడే అవసరం రాకపోవడంతో మళ్లీ బ్యాటింగ్కు దిగని సచిన్ రెండు ఓవర్లు బౌలింగ్ చేసి అభిమానులను అలరించాడు. భారత బౌలర్లలో ఓజా 5 వికెట్లు తీయడగా, అశ్విన్ 4 వికెట్లు తీసి విజయాన్ని అందించారు. ఇక అరంగ్రేట టెస్టులో రెండు సెంచరీలతో ఆకట్టుకున్న రోహిత్ శర్మకు మ్యాచ్ ఆఫ్ ద సిరీస్ అవార్డు లభించింది. మ్యాచ్ అనంతరం సచిన్ కి ఘనంగా వీడ్కోలు పలికారు.