సానియా మీర్జా టాప్ ర్యాంకులోకి

Posted: 10/21/2013 07:17 PM IST

Sania mirza breaks back into top 10 in women double rankings

గత కొన్ని రోజుల క్రితం చైనా ఓపెన్, పసిఫిక్ ఓపెన్ డబుల్ టైటిళ్ళను తన సొంత చేసుకున్న భారత టెన్నిస్ స్టార్ సానియా మీర్టా ప్రపంచ మహిళల డబుల్స్ ర్యాంకిగ్స్ లో టాప్ 10 లోకి దూసుకొచ్చింది. డబ్ల్యూటీఏ నేడు ప్రకటించిన తాజా రాంకింగ్స్ జాబితాలో సానియా రెండు స్థానాలు మెరుగుపర్చుకొని తొమ్మిదో ర్యాంక్ లో నిలిచింది. గత కొంత కాలం నుండి సింగిల్స్ లో అంతగా రాణించలేక పోతున్న సానియా డబుల్స్ మీదనే దృష్టి సారించి రెండు ర్యాంకులు మెరుగు పర్చుకుంది. ఈ వారంలో 26 ఏళ్ల సానియా ఏ ఈవెంట్లోనూ పాల్గొనకున్నా టాప్ టెన్ లో స్థానం దక్కడం అంటే గత టైటిళ్ళే కారణం అంటున్నారు. ఈ హైదరాబాదీ భాగస్వామి కారా బ్లాక్ (జింబాబ్వే) కూడా ఓ స్థానం సంపాదించి 13వ ర్యాంక్ దక్కించుకుంది.