రాంచీలో రాణించేనా ?

Posted: 10/23/2013 11:41 AM IST

స్వదేశంలో జరుగుతున్న ఏడు వన్డేల సిరీస్ లో భారత జట్టు పై పర్యాటక జట్టు అయిన ఆస్ట్రేలియా పైచేయి సాధించడంతో టీం ఇండియా తీవ్ర ఒత్తిడిలోకి వెళ్ళిపోయింది. మూడో వన్డేలో ఒకే ఒక్క ఓవర్ భారత్ విజయాన్ని దూరం చేయడంతో సిరీస్ లో ముందంజ వేయలేక పోయింది. బ్యాటింగులో రాణిస్తున్నా కానీ, ఫేసర్లు స్వదేశీ పిచ్ ల పై రాణించలేక పోవడంతో భారీ మూల్యాన్ని చెల్లించుకోవాల్సి వస్తుంది. సిరీస్‌లో 1-2 తో వెనుకబడిన ధోని బృందం మరో మ్యాచ్ ఓడితే కోలుకోవడం చాలా కష్టమవుతుంది.

ఇప్పుడు గెలిస్తే... తర్వాతి మూడు వన్డేల్లో ఒక్కటి గెలిచినా సిరీస్ ఆసీస్ సొంతమయ్యే అవకాశం ఉంది. చివరి ఓవర్లలో ఫేసర్లు, బ్యాటింగులో ఓపెనర్లు నిలకడ లేమితో ఉండటంతో ఈ మ్యాచ్ లో భారత్ పై ఒత్తిడి బాగా పెరిగింది. గత మ్యాచ్ అనుభవవాల ద్రుష్ట్యా భారత్ ఎలాగైనా గెలవాలని పట్టుదలతో ఉంది. మూడో వన్డేలో భారీ పరుగులు ఇచ్చిన ఇషాంత్ కి తుది జట్టులో చోటు దక్కితే ఒత్తిడిలో ఉన్న అతను రాణిస్తాడనేది చూడాలి.

అంతంత మాత్రమే రాణిస్తున్న ఇషాంత్, కుమార్ లను పక్కన పెట్టి కొత్త వారైనా ఉనద్కత్, షమీలను తీసుకుంటారా అన్నది చూడాలి.టి20లో అదరగొట్టిన యువీ వన్డేల్లో విఫలం అవుతున్నాడు. అతను ఈ మ్యాచ్ లోనైనా రాణిస్తాడని అంతా ఆశిస్తున్నారు. ముఖ్యంగా కెప్టెన్ ధోని సొంత మైదానం అయిన రాంచీలో జరగుతున్న వన్డేలో భారత్ గెలుస్తుందని అభిమానులు ఆశిస్తున్నారు.