దక్షిణాప్రికా సీన్ మారలేదు

Posted: 06/20/2013 03:32 PM IST

దక్షిణాఫ్రికా... సీమ్ రిపీట్. తమ జట్టుకు ఉన్న ‘చోకర్స్ ’ అనే ముద్రను చెరిపేసుకోక పోగా, కీలకమైన మ్యాచ్ లో ఇంగ్లాండ్ పై చిత్తుగా ఓడి తన చరిత్రను పునరావ్రుతం చేసుకుంది. లీగ్ దశలో బాగా ఆడినా... నాకౌట్‌లో మాత్రం బొక్కబోర్లాపడింది. ఇంగ్లండ్ బౌలర్ల ధాటికి ఏ మాత్రం పోరాడకుండా చేతులెత్తేసింది. స్వదేశంలో ఓ పెద్ద టోర్నీ గెలవాలనే ఆకాంక్షను నెరవేర్చుకునే దిశగా కుక్‌సేన మరో అడుగు ముందుకేసింది. ఇంగ్లాండ్ జట్టు సమిష్టిగా రాణించి దక్షిణాఫ్రికా పై 7 వికెట్ల తేడాతో ఘన విజయం సాధించి ఫైనల్ బెర్త్ ను ఖాయం చేసుకుంది.  టాస్ ఓడి బ్యాటింగ్‌కు దిగిన దక్షిణాఫ్రికా 38.4 ఓవర్లలో 175 పరుగులకు ఆలౌటైంది. మిల్లర్ (51 బం తుల్లో 56 నాటౌట్; 5 ఫోర్లు, 2 సిక్సర్లు) అర్ధసెంచరీతో ఆకట్టుకున్నాడు. ఇంగ్లండ్ స్పిన్నర్ ట్రెడ్‌వెల్ (3/19) ధాటికి దక్షిణాఫ్రికా మిడిలార్డర్ కుప్పకూలింది. తర్వాత ఇంగ్లండ్ 37.3 ఓవర్లలో 3 వికెట్లకు 179 పరుగులు చేసి నెగ్గింది. ట్రాట్ (84 బంతుల్లో 82 నాటౌట్; 11 ఫోర్లు) టాప్ స్కోరర్ కాగా, రూట్ (71 బంతుల్లో 48; 7 ఫోర్లు) మెరుగ్గా ఆడాడు. ట్రెడ్‌వెల్‌కు ‘మ్యాన్ ఆఫ్ ద మ్యాచ్’ అ వార్డు లభించింది.