నేడే రెండో సెమీ ఫైనల్, అమీ తుమీకి సిద్ధం

Posted: 06/20/2013 10:19 AM IST

వరస విజయాలతో టాప్‌ గేర్‌లో దూసుకుపోతున్న టీమిండియా నేడు చాంపియన్స్‌ ట్రోఫీ సెమీస్‌లో శ్రీలంకతో తలపడబోతోంది. చాంపియన్స్ ట్రోఫీలో భారత్ ఇన్ని రోజులు సాధించిన విజయాలు, ఆడిన ఆట ఒకె త్తు... ఇకపై ఆడాల్సిన ఆట ఒకెత్తు. లీగ్ మ్యాచ్‌లలో చెలరేగి ఆడి ఓటమి ఎరగని ధోనిసేన... కచ్చితంగా టైటిల్ ఫేవరెట్. టీమ్స్‌, ప్రస్తుత ఫామ్‌ ఎలా చూసినా ఈ మ్యాచ్‌లో ధోనీసేనే హాట్‌ ఫేవరెట్‌గా బరిలోకి దిగుతుందనడంలో సందేహం లేదు.
లీగ్‌ స్టేజ్‌లో ఆడిన అన్ని మ్యాచుల్లో విజయం.. బ్యాటింగ్‌, బౌలింగ్, ఫీల్డింగ్‌.. అన్నిట్లోనూ తిరుగులేని ఫామ్.. ప్రపంచ చాంపియన్‌ హోదాకు తగినట్లు ఆటతీరు.. శ్రీలంకతో కీలక సెమీఫైనల్‌ సమరానికి ముందు టీమిండియా దూకుడుకు సిద్ధంగా ఉంది. ఓటమెరగని జట్టుగా చాంపియన్స్‌ ట్రోఫీలో దూసుకుపోతున్న ధోనీసేన.. అదే ఊపులో లంకను కూడా మట్టి కరిపించి ఫైనల్లో అడుగుపెట్టాలని భావిస్తోంది. ఇక 2011 ప్రపంచకప్ ఫైనల్ లో భారత్ పై ఓడిన శ్రీలంక ప్రతీకారం తీర్చుకోవడానికి ఇదే సరైన సమయంగా భావిస్తొంది. చూద్దాం ఎవరు ఫైనల్ కి చేరుతారో.వరస విజయాలతో టాప్‌ గేర్‌లో దూసుకుపోతున్న టీమిండియా నేడు చాంపియన్స్‌ ట్రోఫీ సెమీస్‌లో శ్రీలంకతో తలపడబోతోంది.