తుది పోరుకు తొలి సమరం నేడే

Posted: 06/19/2013 12:31 PM IST

మినీ ప్రపంచకప్ గా చెప్పుకోబడుతున్న ఛాంపియన్స్ ట్రోఫీ లో రెండు అగ్రజట్లు అయిన ఇంగ్లాండ్, దక్షిణాప్రికాలు తొలి సెమీఫైనల్ ఈరోజు ఆడబోతున్నాయి . లీగ్ దశలో వరుస విజయాలు సాధించడం... ఎంతటి జట్టునైనా మట్టికరిపించడం... నాకౌట్‌లో మాత్రం చిన్న జట్ల చేతిలోనూ ఓడిపోవడం ఓ సెంటిమెంటుగా వస్తున్న దక్షిణాప్రికా జట్టు ఇప్పటి వరకు ఏ పెద్ద కప్ ని తన ఖాతాలో వేసుకోకున్నా, చెప్పుకోవడానికి ఓ ఛాంపియన్స్ ట్రోఫీని మాత్రం తన ఖాతాలో వేసుకుంది. బల బలాల పరంగా చూస్తే దక్షిణాఫ్రికానే ఫేవరెట్. లీగ్ దశలో ఇండియా పై ఓడినా తరువాత మ్యాచ్ ల్లో నెగ్గి సెమీస్ కి చేరుకుంది. ఇక ఇంగ్లాండ్ పరిస్థితి చూస్తే... క్రికెట్ కే పుట్టినిల్లు అయిన ఈ జట్టు ఇంత వరకు  ఒక్క ప్రపంచకప్ గెలవపోగా, కంటి తుడువుగా ఒక్క టీ20 ప్రపంచకప్ ని తన ఖాతాలో వేసుకుంది. సారి స్వదేశంలో జరిగే ఈ ఛాంపియన్స్ ట్రోని ఎలాగైనా తన ఖాతాలో వేసుకొని కల నెరవేర్చుకోవాలని కుక్‌సేన తహతహలాడుతోంది. ఈ నేపథ్యంలో చాంపియన్స్ ట్రోఫీ తొలి సెమీఫైనల్ రసవత్తరంగా మారనుంది.