ధావన్ బ్రాండ్ వ్యాల్యూ పెరుగుతుంది

Posted: 06/18/2013 06:20 PM IST

లేటు వయస్సులో అంతర్జాతీయ క్రికెట్ లోకి అరంగ్రేటం చేసినా, తన అద్బుతమైన ఆట తీరుతో అందరిని ఆకట్టుకున్న శిఖర్ ధావన్ వరుసగా మూడు (ఓ టెస్టు, రెండు వన్డేల్లో) సెంచరీలు చేసి మంచి జోరు మీద ఉన్నాడు. దీంతో శిఖర్ ధావన్ తో తన కంపెనీలకు ప్రచారం చేయించుకోవడానికి పలు కంపెనీలు క్యూ కడుతున్నాయట. దీంతో  బ్రాండ్ విలువ పెరుగుతోంది. దేశంలోని పలు కార్పొరేట్ కంపెనీలు అతడిపై దృష్టి సారిస్తున్నాయి. ‘ధావన్ తానేంటో ఇప్పటికే నిరూపించుకున్నాడు. అంతర్జాతీయ కెరీర్ ఆరంభంలోనే మరో బ్రాండ్ అంబాసిడర్ తయారవుతున్నాడని చెప్పాను. కచ్చితంగా యాడ్స్ రంగంలో ధావన్‌కు మంచి అవకాశాలే ఉంటాయి అని ధావన్ వ్యవహారాలు చూసే కార్నర్‌స్టోన్ స్పోర్ట్స్ సీఈవో బంటీ సజ్దేష్ తెలిపారు. కోహ్లి, రోహిత్ శర్మల బ్రాండ్స్‌ను కూడా ఈ కంపెనీయే పర్యవేక్షిస్తుంటుంది.  దీంతో ధావన్ త్వరలో మరో బ్రాండ్ అంబాసిడర్ అవుతాడని క్రికెట్ విశ్లేషకులు అంటున్నారు.