పాకిస్థాన్ జట్టు క్రికెట్ నాశనం కావడానికి

Posted: 06/17/2013 10:55 AM IST

మినీ ప్రపంచ కప్ గా భావించే ఛాంపియన్స్ ట్రోఫీలో పాకిస్థాన్ జట్టు వరుసగా మూడు లీగ్ మ్యాచ్ ల్లో ఓడి, ఇంటి దారి పట్టిన విషయం తెలిసిందే. అయితే ఈ పరిస్థితుల్లో పాకిస్థాన్ అభిమానులు ఆటగాళ్ళ పై పీకల దాక కోపంతో ఉన్నారు. దీంతో వారు ఎలా స్వదేశం వెళ్లాలా అని ఆలోచిస్తుంటే... పాక్ జట్టులోని కొందరు మాజీలు విమర్శలు లేవనెత్తారు. పాకిస్థాన్ జట్టు క్రికెట్ నాశనం కావడానికి మాజీ కెప్టెన్ ఇమ్రాన్ ఖాన్ కారణమని మాజీ సారథి అమీర్ సోహైల్ అన్నాడు. ప్రముఖ క్రికెటర్ గా చెప్పుకుంటున్న ఈయన బాల్ టాంపరింగ్‌కు మా బౌలర్లను ప్రోత్సహించడం ద్వారా ఇమ్రాన్ పాక్ క్రికెట్‌ను నాశనం చే శాడు. దాని వల్ల నాణ్యమైన కొత్త బౌలర్లను తయారు చేయలేకపోతున్నాం అని విమర్శించాడు. పనిలో పనిగా మన ఆటగాళ్ళను ఆదర్శంగా తీసుకోవాలని సూచిస్తున్నారు. మరి ఈ వివాదం ముదిరి ఎంత దూరం వెళుతుందో చూడాలి.