Virat Kohli commanding knock routs Sunrisers

Posted: 04/10/2013 11:58 AM IST

హైదరాబాద్ సన్ రైజర్స్ బెంగుళూరు రాయల్ ఛాలెంజర్స్ ప్రతీకారం తీర్చుకుంది. తన సొంత మైదానంలో జరిగిన మ్యాచ్ లో సన్ రైజర్స్ ని ఓడించింది. నిన్న బెంగుళూరులో జరిగిన మ్యాచ్ లో మొదట బ్యాటింగ్ చేసిన సన్ రైజర్స్ భారీ స్కోరునే సాధించింది. ఓపెనర్లు సాధారణ భాగస్వామ్యం ఏర్పరిచినా, మిడిలార్డర్ బ్యాట్స్ మెన్స్ అయిన కెమెరాన్‌ వైట్‌ (52; 34 బంతుల్లో 3 ఫోర్లు, 3 సిక్స్‌లు), తిస్సారా పెరెరా (40; 24 బంతుల్లో 1 ఫోరు, 4 సిక్స్‌లు) అద్భుతమైంగా రాణించి నాలుగో వికెట్‌కు 80 పరుగుల భాగస్వామ్యంతో 142 పరుగులకు చేర్చారు. ఆ తరువాత వచ్చి బ్యాట్స్ మెన్స్ జట్టు స్కోరును 161 పరుగులకు చేర్చారు.

అనంతరం 162 పరుగుల భాగ స్వామ్యంతో బరిలోకి దిగిన బెంగుళూరు ఆదిలోనే ఓపెనర్లు క్రిస్‌గేల్‌ (13),  అగర్వాల్‌ (29) త్వరగానే అవుట్ అయినా ఆ తరువాత వచ్చిన యువ సారథి విరాట్ కోహ్లీ స్కోరుబోర్డును పరుగులెత్తించాడు.  హెన్రిక్వ్యూస్‌తో కలిసి ఇన్నింగ్స్‌ కొనసాగించిన కొహ్లీ ఆచీతూచీ ఆడుతూ (93; 47 బంతుల్లో 11 ఫోర్లు, 4 సిక్స్‌లు) హైదరాబాద్‌ బౌలర్లను చితకొట్టి పరుగుల వదర పారించాడు. 15వ ఓవర్‌లో అర్ధ శతకాన్ని పూర్తి చేసుకున్నాడు. అప్పటి వరకు నిదానంగానే ఆడిన విరాట్‌ 16వ ఓవర్‌లో బౌలింగ్‌కు దిగిన మిశ్రాకు ముచ్చెటలు పట్టించాడు. రెండు సిక్స్‌లు, 1 ఫోర్‌తో సహా 21 పరుగులు రాబట్టాడు. తర్వాత రెండు ఓవర్లలోనూ అదే జోరుతో బంతిని బాదిన కొహ్లీ వరుసగా 16, 8 పరుగులు సాధించి మరో 14 బంతులు మిగిలి ఉండగానే బెంగళూరుకు ఘన విజయాన్ని అందించాడు.