Delhi slump to third successive loss as Mumbai win by 44 runs

Posted: 04/10/2013 11:51 AM IST

ఢిల్లీ జట్టు డేర్ డెవిల్స్ రాత మూడో మ్యాచ్ లో కూడా మారలేదు. వరుసగా మూడో ఓటమిని చవిచూసి హ్యాట్రిక్ సాధించింది. నిన్న రాత్రి ముంబయి తో జరిగిన మ్యాచ్ లో ఘోర పరాజయాన్ని ఎదురుచూసింది. ముంబయి విధించిన భారీ లక్ష్యాన్ని చేరుకోవడంతో విఫలం అయింది. మొదట బ్యాటింగ్ చేసిన ముంబయి ఇండియన్స్ కి ఆదిలోనే గట్టి దెబ్బ తగిలింది. సచిన్, పాంటింగ్ లు తొలి రెండు ఓవర్లలోనే వెనుదిరగడంతో జట్టు పీకల్లోతు కష్టాల్లో కూరుకుపోయింది. కానీ తరువాత వచ్చిన దినేష్‌ కార్తిక్‌ (86), రోహిత్‌ శర్మ (74 నాటౌట్‌) మూడో వికెట్‌కు 132 పరుగులు జతచేసి ముంబైని ఆదుకున్నాడు. ఢిల్లీ బౌలర్లను అలవోకగా ఎదుర్కొన్న ఈ ఇద్దరు అర్ధ శతకాలతో కదం తొక్కడంతో ముంబై స్కోరు రెండు వందల గీటురాయిని దాటి ఈ సీజన్‌లోనే అత్యధిక టీమ్‌ స్కోరర్‌గా నిలిచింది. జట్టు స్కోరు 133 పరుగుల వద్ద కార్తిక్‌ ఔటైన తర్వాత పొలార్డ్‌ 13, రాయుడు 24 పరుగులు చేయడంతో ముంబై స్కోరు 209కి చేరింది.

ముంబై తన ముందుంచిన 210 పరుగుల విజయ క్ష్యాన్ని ఛేదించేందుకు చతికిల పడ్డ ఢిల్లీ నిర్ణీత 20 ఓవర్లలో 9 వికెట్ల నష్టానికి 165 పరుగులు మాత్రమే చేయగల్గింది. ఓపెనర్‌ వార్నర్‌ (61), జునైజ (49) కొంత నిలకడగా ఆడినప్పటికీ మిగతావారు ఎక్కువ సేపు క్రీజ్‌లో నిలువలేకపోవడంతో ముంబై విసిరిన భారీ లక్ష్యాన్ని ఛేదించడంలో విఫలమైన ఢిల్లీ హ్యాట్రిక్‌ ఓటమితో పాయింట్ల పట్టికలో అట్టగున నిలిచింది.