మేకప్ తో మేకర్లకు చికాకు పెట్టిస్తున్న హీరోయిన్

Posted: 02/21/2018 05:42 PM IST

సినీ నేపథ్యం ఉన్న కుటుంబం నుంచి వచ్చిన ఆ కుట్టి. తక్కువ టైంలోనే తెలుగు .. తమిళ .. మలయాళ భాషల్లో కథానాయికగా మంచి క్రేజ్ సంపాదించుకుంది. బొద్దుగా ఉండే ఈ భామకి అవకాశాలు వరుసబెట్టి వస్తున్నాయి. గతేడాది తమిళ అగ్రహీరోలతో.. ఈ ఏడాది మొదట్లోనే తెలుగులోనూ ఆమె ఓ స్టార్ హీరోతో నటించింది. ప్రస్తుతం ఆమె చేతిలో అగ్రకథానాయకుల చిత్రాలే ఉన్నాయి.

ఈ కారణంగానే ఆమె ధోరణిలో మార్పు వచ్చేసిందనే టాక్ వినిపిస్తోంది. షూటింగుకి ఉదయాన్నే వచ్చేస్తుందట .. కానీ కార్ వ్యాన్ నుంచి ఒక పట్టాన బయటకి రాదట. మేకప్ విషయంలో ఆమె తీసుకునే అతి జాగ్రత్తే ఇందుకు కారణమని అంటున్నారు. చిన్న షాట్ కి కూడా హెవీగా మేకప్ చేసుకుని గాని ఆమె రంగంలోకి దిగదంట. ఈ కారణంగా హీరోలు .. యూనిట్ సభ్యులు అంతా కూడా అసహనానికి లోనవుతున్నట్టుగా చెప్పుకుంటున్నారు.

సినిమాకు అగ్రిమెంట్ సమయంలో కూల్ గా వ్యవహరించే ఆవిడగారు.. తీరా షూటింగ్ మొదలుపెట్టాక చుక్కలు చూపించటం ప్రారంభిస్తుందంట. అయితే అప్పటికే సినిమా మధ్యలో ఉండటం.. లేదా పారితోషకం మొత్తంగా ఇచ్చేస్తున్న నిర్మాతలు.. చేసేది లేక ఆమె తీరును భరిస్తున్నారని తెలుస్తోంది.