విదేశాల్లో ప్రభాస్ తో అందాల అనుష్క డేటింగ్.?

Posted: 08/16/2019 01:27 PM IST

రెబల్ స్టార్ ప్రభాస్.. టాలీవుడ్ మోస్ట్ ఎలిజబుల్ బ్యాచిలర్ గా ఎంతోమంది అమ్మాయిల ఫాలోయింగ్ పొందిన ఈ హీరో పెళ్లి విషయం ఇప్పుడు సోషల్ మీడియాలో హాట్ టాపిక్ గా మారింది. ‘బాహుబలి’తో ప్రపంచవ్యాప్తంగా అభిమానులను సంపాదించిన ఈ స్టార్ గురించి బాలీవుడ్ మీడియాలో కూడా పలు ఆసక్తికరమైన కథనాలు ప్రచురితమవుతున్నాయి. అమెరికాలో సెటిలైన ఓ తెలుగు వ్యాపారవేత్త కూతురును ప్రభాస్ వివాహం చేసుకోబోతున్నట్లు కొద్దిరోజులుగా ప్రచారం జరుగుతోంది.

దీంతో పాటుగా మరోవైపు హీరోయిన్ అనుష్కతో ప్రభాస్ ను జోడించి బాలీవుడ్ మీడియాలో కొన్ని వార్తలు హల్ చల్ చేస్తున్నాయి. అనుష్క తనకు స్నేహితురాలు మాత్రమేనని.. తమ ఇద్దరి పెళ్లి గురించి వస్తున్న వార్తలు వట్టి పుకార్లేనని డార్లింగ్ ఎన్నిసార్లు చెబుతున్నా.. నెట్టింట్లో రూమర్స్ మాత్రం వస్తూనే ఉన్నాయి. ఇక ఇప్పుడు తాజాగా వీరిద్దరి మీద వచ్చిన మరో గాసిప్ వైరల్‌గా మారింది.అనుష్కతో ప్రభాస్ లవ్ ఎఫైర్ నడుస్తోందని.. ఇద్దరూ పీకల్లోతు ప్రేమలో మునిగిపోయారని కూడా పుకార్లు షికార్లు చేస్తున్నాయి.

వీరిద్దరూ ప్రస్తుతం అమెరికాలోని లాస్ ఏంజెల్స్‌లో ఇంటి కోసం వెతుకుతున్నారని కథనాలు వస్తున్నాయి. అంతేకాకుండా హైదరాబాద్‌లోని సీక్రెట్ స్పాట్లో ఇద్దరూ రహస్యంగా కలుస్తున్నారని.. ‘సాహో’ స్పెషల్ స్క్రీనింగ్‌కు కూడా ఆమెను తీసుకెళ్లినట్లు వార్తలు వస్తున్నాయి. అక్కడితో అగని గుసగుసలు మరింత ముందుకెళ్లాయి. దేశవ్యాప్తంగా వీరికి అభిమానులు వున్న క్రమంలో ఇక తాజాగా వీరు విదేశాల్లో డేటింగ్ చేస్తున్నారన్న వార్తలు బాలీవుడ్ మ్యాగజీన్లలో గుప్పమంటున్నాయి.