రాజమౌళి మల్టీస్టారర్ లో రాశీ ఖన్నా!

Posted: 02/20/2018 04:08 PM IST

ఊహలు గుసగుసలాడే తర్వాత వరుసగా పరాజయాలే చవిచూసిన బ్యూటీ రాశీ ఖన్నా ఇఫ్పుడు హిట్ బాటలో పయనిస్తోంది. స్టార్ హీరోలతో ఛాన్సులు.. పైగా వరుస సక్సెస్ లు ఆమెకు మరిన్ని అవకాశాలు తెచ్చిపెడుతున్నాయి. పరభాషల్లోనూ నటిస్తున్న రాశీకి టాలీవుడ్ లోనే ఊహించని ఛాన్స్ దక్కిందని టాక్ వినిపిస్తోంది.

జూనియర్ ఎన్టీఆర్, రామ్ చరణ్ లతో దర్శక ధీరుడు ఎస్ ఎస్ రాజమౌళి ఓ మల్టీస్టారర్ కు ఫ్లాన్ చేసిన విషయం విదితమే. ఇందులో చెర్రీకి జోడీగా రాశీ ఖన్నాను తీసుకున్నారనే వార్త వైరల్ అవుతోంది. జై లవకుశ .. 'తొలిప్రేమ హిట్లతో ఊపు మీదున్న రాఖీ.. పైగా ఫెర్ ఫార్మెన్స్ కూడా ఇరగదీస్తోంది. అందుకే ఈ అవకాశం దక్కినట్లు చెబుతున్నారు.

నిజానికి చెర్రీ సరసన రంగస్థలంలో రాశీఖన్నా నటించాల్సి ఉంది. కానీ, చివరి నిమిషంలో ఆ వేషాన్ని సమంతా తన్నుకుపోయింది. ఇప్పుడు వినిపిస్తున్న వార్త నిజమే అయితే ఆ ఛాన్స్ మళ్లీ దక్కినట్లేనని.. పైగా దర్శకధీరుడి సినిమా కావటంతో ఆమె ఫేట్ టర్న్ అయినట్లేనని అంటున్నారు.