రంగస్థలంలో మూగ పాత్రలో సమంత?

Posted: 01/25/2018 06:45 PM IST

సుకుమార్ దర్శకత్వంలో 'రంగస్థలం' షూటింగ్ చివరిదశకు చేరుకుంది. ఈ సినిమా షూటింగ్ మొదలైన రోజుల్లోనే, ఇందులో చరణ్ వినికిడి లోపం కలిగిన యువకుడిగా కనిపించనున్నాడనే టాక్ బయటికి వచ్చింది. ట్రైలర్ తో అది కాస్త కన్ఫర్మ్ అయ్యింది. ఇప్పుడు అదే విధంగా కథానాయిక సమంత పాత్రను కూడా రివీల్ చేసేలా ఓ న్యూస్ చక్కర్లు కొడుతోంది.

ఇందులో మూగ అమ్మాయిగా కనిపించనుందనే వార్త ఆ మధ్య చక్కర్లు కొట్టింది. ఇందులో నిజమెంత అనే విషయంలో క్లారిటీ లేదు. అందరి దృష్టి సమంత పాత్రపై పడింది. డీ గ్లామర్ రోల్ లో ఉన్న సమంత ఫోటోలు ఆ మధ్య వైరల్ అయిన విషయం తెలిసిందే.

అసలే చిన్మయి హస్కీ వాయిస్ తో సమంతకు గ్రేట్ ఫ్యాన్ ఫాలోయింగ్ ఏర్పడిన సామ్.. మూగ పాత్రలో కనిపించబోతుండటం అభిమానులు ఎలా జీర్ణించుకుంటారన్నది కాస్త అనుమానంగా మారింది. ఏది ఏమైనా ఈ న్యూస్ పై క్లారిటీ త్వరలోనే వచ్చే అవకాశం ఉంది.