పనవ్ కథతోనే ఎన్టీఆర్ చిత్రం

Posted: 10/27/2017 06:45 PM IST

ఎన్టీఆర్ 28వ చిత్రం త్రివిక్రమ్ శ్రీనివాస్ దర్శకత్వంలో మొన్నీమధ్యే మొదలైన విషయం తెలిసిందే. ఈ సినిమా ప్రారంభోత్సవానికి పవర్ స్టార్ పవన్ కల్యాణ్ గెస్టుగా వచ్చారన్న సంగతి తెలిసిందే. ఇక ఈ చిత్రానికి సంబంధించిన ఓ ఇంట్రెస్టింగ్ మ్యాటర్ ఇప్పుడు టాలీవుడ్ సినీ ఇండస్ట్రీలో చక్కర్లు కొడుతోంది.

ప్రస్తుతం పవన్ తో సినిమా తీస్తున్న త్రివిక్రమ్, అది ముగియగానే మరో చిత్రం కోసం కూడా కథను సిద్ధం చేసుకుని పవన్ కి వినిపించాడని తెలుస్తోంది. కథ విన్న తరువాత, అది చాలా బాగుందని, అయితే, తనకన్నా, ఎన్టీఆర్ కు బాగా సూటవుతుందని చెప్పి, త్రివిక్రమ్, ఎన్టీఆర్ కాంబినేషన్ ను కుదిర్చారట. పవన్ సలహా మేరకే ఎన్టీఆర్ ను తన ప్రాజెక్టులో త్రివిక్రమ్ భాగం చేసుకున్నారని ఇప్పుడు ఇండస్ట్రీలో చర్చ నడుస్తోంది.

ఓ స్టార్ హీరో కథ నచ్చిన తరువాత, తనకన్నా మరో హీరోకు నప్పుతుందని సలహా ఇవ్వడం ఇండస్ట్రీలో ఉన్న మంచి వాతావరణానికి నిదర్శనమని పలువురు అభిప్రాయపడుతున్నారు. ఈ వార్తలో ఎంత వరకు నిజమో చూడాలి మరి.