ఎన్టీఆర్-త్రివిక్రమ్ సినిమాలో సునీల్

Posted: 10/24/2017 04:10 PM IST

ఎన్టీఆర్ 28వ చిత్రం సోమవారం లాంఛనంగా ముహుర్తం షాట్ తో మొదలైన విషయం తెలిసిందే. పవన్ క్లాప్ తో మొదలైన ఈ చిత్రం జనవరి మధ్య నుంచి రెగ్యులర్ షూటింగ్ ప్రారంభం కానుంది. ఈ చిత్రానికి అనిరుధ్ సంగీతం అందిస్తుండగా.. మిగతా టెక్నికల్ టీంను త్వరలోనే ప్రకటిస్తామని నిర్మాత రాధాకృష్ణ నిన్న మీడియాతో చెప్పారు.

ఈ సినిమాకి సంబంధించిన ఓ ఆసక్తికరమైన విషయం ఫిల్మ్ నగర్లో షికారు చేస్తోంది. ఈ సినిమాలో ఒక ముఖ్యమైన పాత్రకి గాను ముందు నారా రోహిత్ ను అనుకున్నారట. అయితే ఇప్పుడు ఆ పాత్రను మరోకరికి షిఫ్ట్ చేశారని చెప్పుకుంటున్నారు. రోహిత్ స్థానంలో ఇప్పుడు సునీల్ వచ్చి చేరినట్లు తెలుస్తోంది.

కమెడియన్ గా సునీల్ కెరీర్ కు బూస్టప్ ఇచ్చిన త్రివిక్రమ్ తర్వాత తన చిత్రాల్లో అడపా దడపా అవకాశాలు ఇచ్చాడు.ప్రస్తుతం సునీల్ సినిమాలన్నీ వరుసగా బోల్తా పడుతున్నాయి. దీంతో తన సినిమాలో ఛాన్స్ ఇవ్వాలని త్రివిక్రమ్ ఎప్పటి నుంచో భావిస్తున్నాడు. ఈ నేపథ్యంలో హీరోగా ప్రయత్నాలు చేసుకుంటూనే.. ఇలా గెస్ట్ రోల్స్ లో కూడా చేయాలని భావిస్తున్నాడంట. అంతేకాదు ఎన్టీఆర్ కొడుకు అభయ్ రామ్ కూడా ఈ చిత్రంతోనే డెబ్యూ ఇవ్వబోతున్నాడని చెప్పుకుంటున్నారు. మరి ఈ వార్తలో ఎంత వరకు నిజమో చిత్ర యూనిట్ స్పందిస్తేనే తెలిసేది.