స్పైడర్ టాక్ పై లీగల్ చర్యలు?

Posted: 10/09/2017 05:20 PM IST

స్పైడర్ సినిమా టాక్ సంగతి పక్కన పెడితే 12 రోజుల్లో 150 కోట్లు వసూలు చేసి విమర్శకుల నోళ్లు మూయించింది. అయితే ఈ మధ్య చిత్రాల భాక్సాఫీస్ కలెక్షన్ల విషయంలో కొందరు ఫేక్ వసూళ్లంటూ గగ్గోలు పెడుతున్న నేపథ్యంలో స్పైడర్ కూడా అదే కోవలోకి చెందుతుందంటూ కొందరు కామెంట్లు చేశారు. దీనిపై చిత్ర యూనిట్ స్పందించినట్లు సమాచారం.

`స్పైడ‌ర్‌` సినిమాను ఎవ‌రైనా ఫ్లాప్ అయింద‌ని విమ‌ర్శ‌లు చేస్తే, వారిపై చ‌ట్ట‌ప‌ర‌మైన చ‌ర్య‌లు తీసుకోవాల‌ని చిత్రయూనిట్ నిర్ణ‌యించుకుంద‌ట‌. కొద్ది రోజుల క్రితం సినిమా విడుద‌లై వ‌సూళ్ల‌ను లెక్క‌గ‌డుతూ ఓ స‌మీక్ష‌కుడు `స్పైడ‌ర్‌ సినిమా ఫ్లాప్` అని త‌న వెబ్‌సైట్‌లో పేర్కొన్నాడు. ఇప్పుడు ఆ స‌మీక్ష‌కుడికి చిత్ర యూనిట్ నుంచి లీగ‌ల్ నోటీసులు అందిన‌ట్లు స‌మాచారం. బాక్సాఫీస్ క‌లెక్ష‌న్లను బ‌హిర్గ‌తం చేయ‌డం కాపీరైట్ చ‌ట్టం ప్ర‌కారం నేర‌మ‌ని పేర్కొంటూ ఈ నోటీసులు పంపించార‌ని చెప్పుకుంటున్నారు.

అయితే ఈ వార్త ఎంత వరకు నిజం అన్నది మాత్రం క్లారిటీ లేకుండా పోయింది. వెబ్ సైట్ల నిర్వాకం వివాదాస్పదం అవుతున్న నేపథ్యంలో మరోవైపు నెగటివ్ రివ్యూలు, వెబ్ సైట్లపై కూడా స్టార్ హీరోలు డిపడుతున్నారు. ఈ క్రమంలో త‌మ సినిమాపై నెగెటివ్ రివ్యూలు రాసే వాళ్లపై సంబంధిత‌ చిత్ర యూనిట్ చ‌ర్యలు తీసుకునే అవ‌కాశం దొరికటం సరైందేనా అన్నది హాట్ టాపిక్ గా మారింది.