సాయి పల్లవిపై కోలీవుడ్ లో ఫేక్ న్యూస్

Posted: 10/14/2017 06:00 PM IST

ఫేక్ వార్తల గురించి మొన్నామధ్య మన వెబ్ సైట్లకు క్రైమ్ బ్రాంచ్ సీరియస్ వార్నింగ్ ఇచ్చింది. అంతే అప్పటిదాకా హిట్స్ కోసం పిచ్చి రాతలు రాసిన సైట్లు కొన్ని అలాంటి కథనాలను ప్రచురించటం ఆపేశాయి. అయితే మిగతా భాషల్లో మాత్రం అలాంటి స్టోరీలు ఆగటం లేదు.

గత కొంత కాలంగా కోలీవుడ్ మీడియా అంతర్గతంగా మన మీడియాపై విషం చిమ్ముతూ వస్తోంది. ఓ తెలుగు టీవీ ఛానెల్ ధనుష్ ను చేసిన ఇంటర్వ్యూను హైలెట్ చేస్తూ.. మన పరువు తీసేసింది. కేవలం ఒక్క ఛానెల్ చేసిన పనికి టోటల్ తెలుగు మీడియా తీరే ఇంత అంటూ స్టోరీలు వెలువరించింది. ఇక ఇప్పుడు వారు చేసేది ఏంటీ? విషయం ఏంటంటే... ఫిదా హీరోయిన్ సాయి పల్లవి అక్కడ వరుసగా ఛాన్సులు దక్కించుకుంటున్న విషయం తెలిసిందే.

ప్రస్తుతం ఓ కోలీవుడ్ క్రేజీ సీక్వెల్ లో ఆమె నటిస్తోంది. అయితే అందులో నటించే హీరోతో పల్లవి క్లోజ్ గా మూవ్ అవుతుందంటూ కథనాలు వెలువడుతున్నాయి. పైగా వీరిద్దరూ ఖండించకపోవడంతో... అది నిజమేనంటూ అక్కడి మీడియా ఇంకా హైలెట్ చేస్తోంది. పైగా ఆ హీరోకి అల్రెడీ పెళ్లి కూడా అయిపోయిందని చెబుతోంది. ఆ లెక్కన్న ఆ హీరో ఎవరో ప్రత్యేకంగా చెప్పాల్సిన అవసరం లేదన్నది పలువురి వాదన. ప్రస్తుతం కోలీవుడ్ మీడియా వ్యవహారంపై కోలీవుడ్ ప్రేక్షకులు విమర్శలు గుప్పిస్తున్నారు.