నేషనల్ అవార్డుల రేసులో ఖైదీ?

Posted: 03/20/2017 01:34 PM IST

Khaidi no 150 nominated for national awards

జాతీయ అవార్డుల విషయంలో పారదర్శకత అనేది ఎప్పుడూ కనిపించదు. ప్రజాదరణ పొందిన చిత్రాలు, లేదా ఫెర్ ఫార్మెన్స్ బేస్ డ్ చిత్రాలకు మాత్రమే వివిధ కేటగిరీల్లో అవార్డులు దక్కటం ఎప్పటి నుంచో జరుగుతూ వస్తోంది. అయితే ఇన్నాళ్ల అవార్డుల చరిత్రలో రీమేక్ చిత్రానికి అవార్డు కట్టబెట్టిన దాఖలాలు మాత్రంల లేవు. కానీ, ఫస్ట్ టైం ఓ సౌత్ రీమేక్ విషయంలో ఆ సాంప్రదాయంకు ఫుల్ స్టాప్ పడబోతుందా? అన్న అనుమానాలు కలుగుతున్నాయి.

మెగా స్టార్ చిరంజీవి నటించిన ఖైదీ నంబర్ 150ను 2016 నేషనల్ అవార్డుల కేటగిరీకి గానూ పంపినట్లు ఓ వార్త అందుతోంది. నిజానికి ఈ చిత్రం ఈ యేడాది జనవరిలోనే రిలీజ్ అయినప్పటికీ, గత ఏడాదే చివర్లోనే సెన్సార్ పూర్తి కావటంతో హడావుడిగా జ్యూరీకి పంపారంట. రైతుల సమస్య ప్రధాన ఇతివృత్తంగా సాగే ఈ చిత్రంతోనే చిరు పదేళ్ల తర్వాత రీఎంట్రీ ఇవ్వటం, పైగా డ్యుయెల్ రోల్ లో నటించటం తెలిసిందే. సౌత్ తరపున సింగిల్ లాంగ్వేజ్(కేవలం తెలుగులోనే) లో రిలీజ్ అయ్యి వంద కోట్లు కొల్లగొట్టిన ఫస్ట్ మూవీగా ఖైదీ నంబర్ 150 కొత్త రికార్డు కూడా క్రియేట్ చేసింది.

అయితే విజయ్ హీరోగా మురగదాస్ దర్శకత్వంలో తెరకెక్కిన బ్లాక్ బస్టర్ మూవీ కత్తి కి ఇది రీమేక్ అన్న విషయం తెలిసిందే. అయితే కత్తి విషయంలోనే జరగని మ్యాజిక్ ఇప్పుడు ఖైదీ విషయంలో జరుగుతుందా? అన్నది కాస్త అనుమానమే. ప్రస్తుతం రాజ్యసభ సభ్యుడిగా ఉన్న చిరు రాజకీయ కోణంలో కూడా గట్టి ప్రయత్నాలే చేస్తున్నాడన్న టాక్ కూడా బయలుదేరింది. ఇందులో ఎంత నిజం అన్నది తెలియాలంటే చిత్ర నిర్మాతలు స్పందించాల్సిందే.