మహేష్ మూవీకి ఆ టైటిలే ఫిక్స్?

Posted: 03/18/2017 10:35 AM IST

మహేష్-మురగదాస్ సినిమా అనౌన్స్ అయ్యాక చాలా టైటిళ్ల పేర్లే వినిపించాయి. అయితే గాసిప్స్ అలా చక్కర్లు కొడుతున్నా పట్టించుకోకుండా షూటింగ్ ను కానిచ్చేసింది చిత్ర యూనిట్. వాస్కోడిగామా, అభిమన్యు, ఏజెంట్ శివ, సంభవామి, చివరకు మర్మం దగ్గర ఆగింది. ఇక ఇప్పుడు మరో కొత్త టైటిల్ తెర మీదకు వచ్చింది.

నిజానికి ఈ చిత్ర ప్రోడ్యూసర్ లో ఒకడైన ఠాగూర్ మధుకి ఆప్తుడు, మరో స్టార్ ప్రోడ్యూసర్ పీవీపీ విన్నర్ ప్రీ రిలీజ్ పంక్షన్ లో సంభవామి యుగే యుగే అంటూ హింట్ ఇవ్వటంతో ఆ టైటిలే అని అంతా అనుకున్నారు. దానికి తోడు హిందీలో కూడా మురగదాస్ అప్ కమింగ్ కు సంభవామి అనే టైటిల్ రిజిస్టర్ అయినట్లు వార్తలు వచ్చాయి. దాంతో అంతా మహేష్ సినిమానే అనుకున్నారు. తాజాగా వినిపిస్తున్న టైటిల్ ఏంటంటే.. ‘స్పై’డర్ అని...

ఇంతకు ముందు యూకేలో చిత్ర ఫస్ట్ లుక్ టీజర్ యూకే లో ఓ టాప్ విజువల్ ఎఫెక్ట్స్ కంపెనీకి అప్పజెప్పారన్న విషయం తెలిసిందే. దాదాపు 30 లక్షలతో దానిని రూపొందించబోతున్నారని చెప్పుకున్నాం కూడా. అందులో స్పైడర్ గురించి స్పెషల్ గా మెన్షన్ చేశారు కూడా. పైగా మహేష్ ఇందులో ఇంటలిజెన్స్ బ్యూరో ఆఫీసర్ గా కనిపించబోతున్నాడు. దీంతో సినిమాకు అదే టైటిల్ దాదాపు ఖరారైందనే అనుకుంటున్నారు. మరి ఈ విషయంలో సస్పెన్స్ వీడేది మాత్రం ఉగాదికే.. ఎందుకంటే ఆరోజే చిత్ర ఫస్ట్ లుక్ అని మహేషే స్వయంగా అనౌన్స్ చేశాడు కాబట్టి.