అనసూయతో అసలు ప్రాబ్లం ఎవరికి?

Posted: 11/28/2016 05:30 PM IST

హాట్ యాంకర్ అనసూయ.. ప్రోఫెషనల్ విషయాల కన్నా మెగా ఫ్యామిలీపై కాంట్రవర్సరీలతోనే ఎక్కువసార్లు వార్తల్లోకి ఎక్కిందనే అనుకోవచ్చు. పవన్ సినిమాలో రెండుసార్ల ఐటెం సాంగ్ ను రిజక్ట్ చేసి ఫ్యాన్స్ తో తిట్లు తిట్టించుకున్న ఈ భామ, ఆపై అల్లు అర్జున్ గంగోత్రి లుక్ పై అనవసర కామెంట్లు చేసి ఆ పరిస్థితి మరింత ముదరేలా చేసుకుంది.

కొన్నాళ్లపాటు గప్ చుప్ గా ఉండి సినిమాల్లో ఆఫర్లు కొట్టేసిన అనసూయ, ఈ మధ్య మెగా మేనల్లుడు సాయిధరం తేజ్ కోసం ఐటెం గళ్ గా కూడా మారిపోయింది. గోపీచంద్ మలినేని దర్శకత్వంలో తెరకెక్కిన విన్నర్ సినిమా కోసం ఇప్పటికే ఈ పాట షూటింగ్ కూడా కంప్లీట్ అయిపోయింది.

ఇక తాజాగా ఫేస్ బుక్ లో ఫ్యాన్స్ తో ఇంటరాక్షన్ అవుతూ లైవ్ చాట్ లో ఆ పాట సంగతులు కూడా చెప్పుకొచ్చింది. విన్నర్ పాటలో సాయి స్టెప్పులు ఇరగదీశాడని, అతనితో పోటీపడలేక తాను చాలా ఇబ్బందిగా పీలయ్యానని చెప్పింది. అక్కడితో ఆగకుండా మెగాస్టార్ కి సాయి సరైన వారసుడంటూ అర్థం వచ్చేలా మరో కామెంట్ చేసింది. అంతే దెబ్బకు మెగా పవర్ స్టార్ ఫ్యాన్స్ బాగా హర్టయ్యారు. చెర్రీ ఉండగా, సాయిని అంతలా పొగడటంతో అనసూయపై సోషల్ మీడియాలో దాడి చేసేందుకు సిద్ధమైపోయారంట. అయితే పరిస్థితి అర్థం చేసుకున్న అనసూయ దానిని కవర్ చేసేలా మరో మెసేజ్ కూడా పెట్టింది.

మొత్తానికి తాను చేసే కామెంట్లు తెలీకుండానే తనను ఇబ్బందుల్లోకి నెట్టేస్తున్నాయి. ఇక్కడ చేసేవన్నీ మెగా ఫ్యామిలీని ఉద్దేశించి కావటమే కామన్ గా ఉంది. మెగా ఫ్యాన్స్ మాత్రం మరోసారి ఇలాంటివి రిపీట్ అయితే ఖబడ్దార్ అంటూ అల్రెడీ ఈ హాట్ యాంకర్ కి ఓ సందేశం పోస్ట్ కూడా చేశారంట.