ఎన్టీఆర్ బాబీ మధ్యలో మెగా తనయుడు

Posted: 11/29/2016 03:22 PM IST

ఎన్టీఆర్ గ్యారేజ్ లో కథలన్నీ వినేశాక చివరికి సర్దార్ గబ్బర్ సింగ్ లాంటి డిజాస్టర్ ఇచ్చినప్పటికీ బాబీకే యంగ్ టైగర్ ఓటేశాడని చెప్పుకున్నాం. పోనీ ఎలాగోలా ఈ ప్రాజెక్ట్ అయిన తెరకెక్కుతుందన్న ఆనందంలోకి తారక్ అభిమానులు జారుకుంటుండగా ఈ సినిమా కూడా తెరకెక్కటం డౌటే అన్న వార్త వినిపిస్తోంది.

అఫీషియల్ అనౌన్స్ మెంట్ కానీ ఈ ప్రాజెక్ట్  పట్టాలెక్కకపోవటానికి కారణం ఈ కథ రచయిత కోనవెంకట్ అని తెలుస్తోంది. నిజానికి ఈ కథను ముందు బాలీవుడ్ మెగాస్టార్ అమితాబ్ తనయుడు అభిషేక్ బచ్చన్ కి కోనవెంకట్ వినిపించాడంట. అంతేకాదు కథ కోసం అడ్వాన్స్ కూడా తీసేసుకున్నాడంట. ఇప్పుడు ఈ చిత్రం ఎన్టీఆర్ కి కూడా నచ్చటంతో అడ్వాన్స్ వెనక్కి ఇచ్చేందుకు కోన సిద్ధపడినట్లు తెలుస్తోంది.

అయితే ఈ వ్యవహారంతో చిర్రెత్తుకొచ్చిన అభిషేక్ అందుకు అంగీకరించకపోవటంతో తెలుగులో సినిమా తెరకెక్కేది డౌట్ గానే కనిపిస్తోంది. దీంతో కోన బచ్చన్ ఫ్యామిలీకి దగ్గరి వ్యక్తి అయిన వర్మ లాంటి వాళ్లతో రాయబారం మొదలుపెట్టాడని సమాచారం. ఒకవేళ జూనియర్ బచ్చన్ కూల్ అయి కథను వెనక్కి ఇస్తేనే బాబీ సినిమా పట్టాలెక్కేది. లేదంటే అనిల్ రావిపూడి కథతోనే ఎన్టీఆర్ సినిమా తీసే అవకాశం ఉందని ఫిల్మ్ నగర్ టాక్.  చూద్దాం ఏం జరుగుతుందో...