ఆ అగ్రహీరో ప్రాజెక్టు అస్సలు ఆగిపోలేదు

Posted: 11/28/2016 04:02 PM IST

టాలీవుడ్ లో గత రెండు రోజులుగా ఓ భారీ ప్రాజెక్టు ఆగిపోయిందనే వార్తలు చక్కర్లు కొడుతున్న విషయం తెలిసిందే. నెల రోజుల క్రితం అనౌన్స్ చేసిన ప్రాజెక్ట్ మోదీ కరెన్సీ నిర్ణయంతో డైలామాలో పడిందని చెప్పుకొచ్చారు. రెమ్యునరేషన్ తగ్గించుకోమని సదరు నిర్మాత దర్శకుడు, హీరోపై తీవ్ర ఒత్తిడి తెచ్చాడని, అందుకు వారు ససేమిరా అనటంతో ప్రాజెక్ట్ ఆగిపోయినట్లేనని దాని సారాంశం.

అయితే తాజాగా అందుతున్న సమాచారం ప్రకారం.. అవన్నీ ఉత్త ఫేక్ వార్తలే అని. రెమ్యునరేషన్ విషయంలో కాంప్రమైజ్ అయ్యే సదరు హీరో అల్రెడీ కమిట్ మెంట్ ఇచ్చాడని,  దర్శకుడు ముందు బెట్టుచేసినప్పటికీ తర్వాత ఆ హీరో చెప్పటంతో వెనక్కి తగ్గాడంట. మరోవైపు షూటింగ్ సమయానికి నిర్మాత అడ్డంకులు ఖచ్ఛితంగా తొలగిపోయే పరిస్థితులు కనిపిస్తుండటంతో అనుకున్న బడ్జెట్ ప్రకారమే సినిమా షూటింగ్ జరుపుకోబోతుందంట. అల్రెడీ ఆ స్టార్ హీరో, డైరక్టర్ కాంబోలో ఇప్పటికే ఓ ఇండస్ట్రీ హిట్ ఉండటంతో తర్వాతి సినిమాపై రిస్క్ తో కూడిన బడ్జెట్ కైనా సిద్ధమని నిర్మాత చిత్ర పూజాకార్యక్రమం రోజు తోటి నిర్మాతల వద్ద ప్రస్తావించినట్లు తెలుస్తోంది..  

ప్రస్తుతం ఆ స్టార్ హీరో మరో సినిమా షూటింగ్ దశలో ఉంది. దర్శకుడు స్క్రిప్ట్ పక్కాగా సిద్ధం చేసేందుకు సిద్ధమైపోయితున్నాడు. సంక్రాంతి నుంచి కొత్త సినిమా షూటింగ్ లో అతడు పాల్గొనబోతున్నాడంట.