జక్కన చేతిలో చినబాబు..!

Posted: 06/21/2016 01:07 PM IST

బాహుబలి సినిమాని ఎంతో ప్రతిష్టాత్మకంగా తెరకెక్కిస్తున్నాడు రాజమౌళి. ఈ సినిమాని ప్రపంచవ్యాప్తంగా తీసుకెళ్లి తెలుగు సినిమా పవర్ ఏంటో చూపించాడు. ప్రస్తుతం ఈ సినిమా కన్ క్లూజన్ వర్క్ లో బిజీగా ఉన్న రాజమౌళి తన తర్వాత సినిమాకి కూడ అంతే వేగంగా పావులు కదుపుతున్నాడు. నిజానికి ఎప్పటినుంచో తనకి ఎంతో ఇష్టమైన జూనియర్ ఎన్టీఆర్ తో సినిమా చెయ్యాలని అనుకుంటున్నాడు. కానీ, ఇప్పుడు రాజమౌళికి ఒక బంపర్ ఆఫర్ ఇచ్చాడు హీరో బాలకృష్ణ. ఇప్పుడు ఈ విషయమే ఫిలిం నగర్ లో హాట్ న్యూస్ గా మారింది.

విషయం ఏంటంటే, బాలయ్యబాబు వందో సినిమాకి క్రిష్ దర్శకత్వం వహిస్తున్న సంగతి తెలిసిందే. ఈ సినిమా యుద్ధ సన్నివేశాలను తెరకెక్కించేందుకై బాలయ్యబాబు రాజమౌళి ని సెట్ లోకి పిలిపించాడు. ఈ సెట్ లోనే బాలయ్యబాబు తన తనయుడు మోక్షజ్ఞని హీరోగా పరిచయం చేసే బాధ్యతలని రాజమౌళికి అప్పగించినట్లుగా చెప్తున్నారు అందరూ. ఈ విషయమై సుదీర్ఘ చర్చల అనంతరం రాజమౌళి సినిమా చేసేందుకు గ్రీన్ సిగ్నల్ ఇచ్చేశాడట.

ఇంకేముంది చినబాబు ఎంట్రీ గ్రాండ్ గా మారిపోయినట్లే. బాహుబలి లాంటి మెగా మేకింగ్ సినిమా తర్వాత రాజమౌళి కూడ ఒక కుర్రహీరోతో సినిమా చేసేందుకు ఆసక్తి చూపిస్తున్న తరుణంలో మోక్షజ్ఞలాంటి యంగ్ హీరో జక్కన్న చేతిలో పడ్డాడని , ఇక చినబాబు ఎంట్రీ అదిరిపోవడం గ్యారెంటీ అని నందమూరి అభిమానులు పండగ చేసుకుంటున్నారు.

మరో విషయం ఏంటంటే, ఒక మంచి ప్రేమకథని మోక్షజ్ఞకి సెట్ అయ్యే కథని రెడీ చెయ్యమని తన తండ్రి విజయేంద్రప్రసాద్ కి రాజమౌళి చెప్పాడట. దీంతో చినబాబు లవ్ స్టోరీ ఎప్పుడు రెడీ అవుతుందో , ఈ సినిమా అధికారికంగా ఎప్పుడు ప్రకటిస్తాడో అని ఆసక్తిగా ఎదురుచూస్తున్నారు బాలయ్యబాబు ఫ్యాన్స్.

- మూర్తి