రాజమౌళి అంత పనిచేస్తున్నాడా...?

Posted: 06/13/2016 01:14 PM IST

టాలీవుడ్ లో టాప్ దర్శకుడిలో ఒకడైన ఎస్ ఎస్ రాజమౌళి బాహుబలి సినిమా ఎంతటి విజయాన్ని సాధించిందో ప్రత్యేకించి చెప్పక్కర్లేదు. ఇప్పుడు బాహుబలి పార్ట్ 2 నిర్మాణంలో రాజమౌళి అండ్ టీమ్ తనమునకలైపోయి ఉంది. ఈ నేపథ్యంలో పార్ట్ 2 క్లైమాక్స్ కి ఏకంగా 30 కోట్లు ఖర్చుపెడుతున్నాడట డైరెక్టర్ రాజమౌళి. గతంలో రానా, ప్రభాస్ లపైన బాహుబలి సినిమా వందకోట్లు ఖర్చుపెట్టి తీస్తున్నప్పుడు రాజమౌళి ని అందరూ తిట్టిన వాళ్లే. ఏ నమ్మకంతో అంత డబ్బు పెట్టి ప్రభాస్ మార్కెట్ లేకుండా సినిమా తీస్తున్నాడని విమర్శించారు. అయితే, వాళ్లందరికీ బాహుబలి కలెక్షన్స్ 600కోట్లు పైనే వసూలు సాధించి సమాధానం చెప్పాయి.

ఇప్పుడు కూడ పార్ట్ 2 కి అంత ఖర్చు అనవసరంగా పెడుతున్నాడని, అందులోనూ గ్రాఫిక్స్ కి అంత డబ్బు వెచ్చించడం ఏంటి ? అని విమర్శిస్తున్నారు అందరూ. అయితే, రాజమౌళి పై నమ్మకంతో ప్రొడ్యూసర్స్ మాత్రం జక్కన్నకి నచ్చినట్లే తీయమని చెప్తుండటం విశేషం.

ఒకవేళ పార్ట్ 2 సినిమా ఫ్లాప్ అయినా, పార్ట్ 1 కి కలెక్షన్స్ బాగా వచ్చాయి కాబట్టి వాటితో బయ్యర్స్ నష్టపోయినా సరే భర్తీ చేయగలం అనే థీమాతో ముందుకెళ్లి పోతోందట చిత్రయూనిట్. అయితే ఫిలిం నగర్ వాసులు మాత్రం ఈ సినిమా తర్వాత రాజమౌళి ఎవరితో సినిమా తీస్తాడా అని ఆసక్తిగా ఎదురుచూస్తున్నారు.

 - మూర్తి