అదంటే పాపకి సిగ్గట..!

Posted: 06/13/2016 01:27 PM IST

మనలో మనకు నచ్చని విషయాలు చాలానే ఉంటాయి. అవసరం అవకాశం వచ్చినప్పుడు వాటి నుంచి బయటపడేందుకు ప్రయత్నిస్తుంటాం. రాశీ ఖన్నా కూడా అలా ఎప్పట్నుంచో ఓ విషయంలో మార్పు కోసం ప్రయత్నిస్తోందట. కానీ, అది ఎంతకీ సాధ్యం కావడం లేదంటోంది.  ఇంతకీ అదేంటి? అని ఆరా తీస్తే పాపకి అందటే చాలా సిగ్గు అంట. అర్ధం కాలేదా.. షూటింగ్ లో యాక్టింగ్ చేయాలన్నా, బయట అందరితో కలిసి ఉండాలన్నా సిగ్గు ఎక్కువే అంటోంది.  
 
చిన్నప్పట్నుంచి నేను సిగ్గరినే అని,పెద్దయ్యాకా ఆ విషయంలో మార్పు రాలేదు. హీరోయిన్ అయ్యాను కాబట్టి ఇక మెల్లమెల్లగా సిగ్గు, బిడియం లాంటివన్నీ దూరమవుతాయిలే అని మొదట్లో అనుకున్నాను. కానీ ఇప్పటికీ అది అలాగే ఉంది. అని చెప్తోంది.

నా దర్శకులు నేను ఊహించని పాత్రలు సృష్టిస్తున్నారు. వాటిని విన్నప్పుడు ఇంత సిగ్గరిని, ఈ పాత్రల్లో నేను అసలు యాక్ట్ చేయగలనా ? సాధ్యమేనా? అని అనుకొంటుంటా. దర్శకుల నమ్మకం చూసి నేనూ ఓకే చెప్పేస్తుంటా. సెట్‌కి వెళ్లాక నేను ఆ పాత్రల్లో ఒదిగిపోతుంటా. ఆ క్షణం నాకే కొత్తగా అనిపిస్తుంటుంది. తెరపై నన్ను నేను చూసుకొని ఎంత ఆశ్చర్యపోతుంటానో మాటల్లో చెప్పలేను తెలుసా? అని చెప్పింది రాశీ ఖన్నా. ఆమె ప్రస్తుతం రామ్ తో ఒక సినిమా‌, గోపీచంద్‌తో మరో సినిమాలో హీరోయిన్ గా నటిస్తోంది.

- మూర్తి