అలా చెయ్యడానికి ఆలోచిస్తున్నాడు...!

Posted: 06/08/2016 01:13 PM IST

స్టైలిష్ స్టార్ అల్లు అర్జున్ తన తర్వాత ప్రొజెక్ట్స్ పై దృష్టిపెట్టాడు. ప్రస్తుతం టర్కీ వీసా తీసుకుని విదేశీ పర్యటనను ఎంజాయ్ చేస్తున్న బన్నీ ఇండియాకు చేరుకోగానే తన తర్వాత సినిమా ప్రొజెక్ట్ పై దృష్టిపెట్టనున్నాడు. ఈలోపుగా ఫిలిం నగర్ లో అల్లు అర్జున్ గురించి ఒక కొత్త న్యూస్ వినిపిస్తోంది. ప్రస్తుతం బన్నీ ఇద్దరు డైరెక్టర్స్ చెప్పిన కథలను ఓకే చేశాడని, అయితే ఈ ఇద్దరిలో ఎవరి కథ ముందుగా సెట్స్ పైకి వెళ్తుందో మాత్రం బన్నీ వచ్చేకే డిసైడ్ అవుతుందని చెప్తున్నారు.

విక్రమ్ కె కుమార్ అయితే ఇప్పటికే బన్నీ కోసం పునర్జన్మ నేపథ్యంలో వచ్చే ఒక మంచి లవ్ స్టోరీని సిధ్దం చేశాడని చెప్తుంటే, మరో తమిళ డైరెక్టర్ లింగుస్వామి అల్లు అర్జున్ కోసం ప్రత్యేకమైన కథను రెడీ చేశాడని చెప్తున్నారు. ఈ సినిమాలో అల్లు అర్జున్ హీరో అండ్ విలన్ గా ద్విపాత్రాభినయం చేయబోతున్నట్లుగా కూడ టాక్ వినిపిస్తోంది. ఈ నేపథ్యంలో ఈ సినిమాలో ప్రతినాయకుడి క్యారెక్టర్ కోసం డైరెక్టర్ లింగుస్వామి బన్నీని గుండు చేయించుకోమని అడిగాడట. అసలే అల్లు అర్జన్ అంటేనే స్టైలిష్ స్టార్ అందులోనూ సినిమా సినిమాకి తన హెయిర్ స్టైల్ ని మారుస్తుంటాడు బన్నీ. అలాంటిది ఇప్పుడు హెయిరే లేకుండా సినిమా అంటే ఆలోచనలో పడ్డట్లుగా తెలుస్తోంది.

అయితే, లింగుస్వామి రెడీ చేసిన కథలో మాత్రం ప్రతినాయకుడు ఖచ్చితంగా గుండు చేయించుకోవాల్సిందేనని చెప్తున్నాయి సన్నిహిత వర్గాలు. మరి ఈ పాత్రకోసం బన్నీ గుండు చేయించుకుని బరిలోకి దిగుతాడా ? లేదంటే విక్రమ్ కె కుమార్ ప్రొజెక్ట్ చేసిన తర్వాత లింగుస్వామితో సినిమా చేస్తాడా అనేది తెలియాలంటే మరిన్ని రోజులు ఆగాల్సిందే.  
   
- మూర్తి