మేక్..మేక్..రీమేక్...జల్దీమేక్.!

Posted: 06/08/2016 01:32 PM IST

వారసులు సినిమా పరిశ్రమకు రావడం ఎంత కామనో..అలాగే తాతలు, నాన్నల హిట్లు సినిమాలు కూడా రీమేక్‌ లు చేయడం అంతే సహజం. ఇప్పుడు అలా రీమేక్‌ లపై కన్నేశారు స్టార్ హీరోల కొడుకులు. ఎవరు ఏ రీమేక్‌ పై చేయబోతున్నారనేది ఇప్పుడు ఫిలిం నగర్ లో హాట్ చర్చగా మారింది.

టాలీవుడ్‌ మెగా పవర్ స్టార్‌ గా వెండితెరపైకి వచ్చిన చిరంజీవి తనయుడు రామ్ చరణ్ తేజ్ మాత్రం చిరంజీవి సినిమాల్లో గ్యాంగ్ లీడర్ ని రీమేక్ చేయాలని ఎప్పటినుంచో ఆశపడుతున్నాడు. అయితే గతంలో చిరంజీవి శ్రీదేవి కాంబినేషన్ లో వచ్చి జగదేకవీరుడు- అతిలోక సుందరి సినిమాని సైతం రీమేక్ చేసేందుకు ఆసక్తిని చూపిన విషయం తెలిసిందే. అప్పట్లో ఈ సినిమాని రాఘవేంద్రరావుగారి డైరెక్షన్ లో తీసేందుకు మంతనాలు కూడ జరిపారు. కానీ ఆ ప్రొజెక్ట్ రూపుదిద్దుకోలేదు. ఇప్పుడు మళ్లీ సీన్ లోకి గ్యాంగ్ లీడర్ సినిమా వచ్చింది. ఇప్పుడు ఈ సినిమాని రీమేక్ చేసేందుకు చెర్రీ ప్రయత్నాలు మొదలెట్టాడట.

ఇక కలెక్షన్‌ కింగ్ మోహన్‌ బాబు కూడా తన సినిమాల్లో 'అసెంబ్లీ రౌడీ' సినిమాను రీమేక్‌ చేస్తే కొడుకు విష్ణుతోనే ఉంటుందని ఇటీవలే స్పష్టం చేశాడు. ఇటు కుర్రాడు కూడా నాన్న చెప్పింది నిజమేనంటూ అసెంబ్లీ రౌడీని ఈ కాలానికి అనుగుణంగా తీస్తానని స్టేట్మెంట్ ఇచ్చాడు. అయితే గతంలో మంచు మనోజ్ చాలాసార్లు అసెంబ్లీరౌడీని రీమేక్ చేస్తే బాగుంటుందని చెప్పిన సంగతి తెలిసిందే.

ఇక గ్లామర్ కి కేరాఫ్‌ అడ్రస్ అయిన అక్కినేని కుటుంబంలో నాగార్జున చేసిన సినిమాల్లో 'నిన్నేపెళ్లాడతా'  అనేది అప్పట్లో ఎంత పెద్ద హిట్టో చెప్పక్కర్దేలు. ఇప్పటికీ ఫ్యామిలీ ప్రేక్షకులు మెచ్చే సినిమా అది. కృష్ణవంశీ డైరక్షన్ లో వచ్చిన ఈసినిమాను చైతూ రీమేక్ చేసే ఆలోచనల్లో ఉన్నాడట. అయితే, ఈసినిమాని చైతూ   రీమేక్ చేస్తే బాగుంటుందని అప్పట్లో నాగార్జున చాలా సందర్భాల్లో చెప్పాడు కూడ. అంతేకాకుండా చైతూ, జూనియర్ ఎన్టీఆర్ లు కలిసి అక్కినేని నాగేశ్వరావు, ఎన్టీఆర్ నటించిన గుండమ్మకథ సినిమాని రీమేక్ చేసినా బాగుంటుందని చెప్పాడు. మరి ఈ రీమేక్స్ ఎప్పుడు పట్టాలెక్కుతాయా ? వీటిని ప్రేక్షకులు ఎలా ఆదరిస్తారా అన్నది ఆసక్తికరంగా మారింది.
   
- మూర్తి