'బాహుబలి' లాంటి సినిమా తీస్తారంట...!

Posted: 06/08/2016 12:49 PM IST

Kollywood and bollywood planing high budgeting movies like bahubali

టాలీవుడ్ లో బాహుబలి క్రియేట్ చేసిన రికార్డ్స్ గురించి ప్రత్యేకించి చెప్పక్కర్లేదు. ఆ సినిమాకి వచ్చి బిజినెస్ కానీ, ఆ సినిమాకి వచ్చిన రెస్పాన్స్ కానీ తెలుగు ఫిలిం ఇండస్ట్రీని ఒక రేంజ్ కి తీసుకెళ్లింది అనడంలో ఎలాంటి అతిశయోక్తి లేదు. ఇప్పుడు ఇలాంటి సినిమాలు మాకు కూడ కావాలంటూ బాలీవుడ్, కోలీవుడ్ విశ్వప్రయత్నాలు చేస్తున్నట్లుగా తెలుస్తోంది.

బాహుబలికి వచ్చిన, వస్తున్న రెస్పాన్స్ ని చూసి కోలీవుడ్ , బాలీవుడ్ ఇండస్ట్రీలకు ఒక్కసారిగా దిమ్మతిరిగిందట. దీంతో వాళ్లు ఇలాంటి సినిమాలు మేము కూడ చేయగలం అన్నట్లుగా ఇప్పుడు సరికొత్త సినిమా ప్రొజెక్ట్స్ ని డిజైన్ చేసే వేటలో పడ్డట్లుగా సమాచారం తెలుస్తోంది. దీనికి తోడు ఈమధ్యనే తమిళ నటి కుష్బూ తన భర్త సుందర్ సి సుమారు 300కోట్ల బడ్జెట్ సినిమాని తీసే ప్లాన్ లో ఉన్నాడని, దానికి సంబంధించిన స్క్రిప్ట్ వర్స్స్ అన్నీ సిద్ధమైపోయాయని స్టేట్మెంట్స్ ఇస్తున్న సంగతి తెలిసిందే. అయితే ఈ సినిమా మల్టీస్టారర్ గా చెయ్యాలని స్టార్ కాస్టింగ్ కోసమే చూస్తున్నామని చెప్పింది.

ఇప్పుడు బాలీవుడ్ లో కూడ ఇలాంటి సినిమాలు చేసేందుకు సౌత్ నుంచి వచ్చిన కథలను ఆహ్వానిస్తున్నట్లుగా సమాచారం. ప్రొడ్యూసర్స్ కరణ్ జోహార్, ఏక్తాకపూర్ అండ్ కో కూడ మంచి చారిత్రాత్మక సినిమాలు రూపొందించేందుకు ఆసక్తి చూపిస్తున్నారట. గతంలో మన దర్శక ధీరుడు రాజమౌళి తండ్రి విజయేంద్రప్రసాద్ ఇచ్చిన భజరంగీ భాయిజాన్ కథ ఎంతటి ఘనవిజయం సాధించిందో చెప్పక్కర్లేదు.
ఇప్పుడు అలాంటి కథలు వచ్చినా చేసేందుకు బాలీవుడ్ వర్గాలు ఆసక్తి చూపిస్తున్నట్లుగా తెలుస్తోంది.
బాహుబలి సినిమా ఒక్కటే తెలుగు ఇండస్ట్రీ రేంజ్ ని మార్చేసిందని, ఇక మేము కూడ అలాంటి సినిమాలు చేసేందుకు ఏమాత్రం వెనకడుగు వేసేది లేదని చెప్తున్నారట బాలీవుడ్ అగ్ర నిర్మాతలు.
అలాగే, కోలీవుడ్ లో సైతం మంచి చారిత్రాత్మక కథలను రీసెర్చ్ చేసి తయారు చేయాలని అక్కడ యంగ్ రైటర్స్ కి చెప్తున్నట్లుగా సమాచారం తెలుస్తోంది.

ఏది ఏమైనా, బాహుబలి సినిమా అనేది కేవలం తెలుగు చిత్ర సీమనే కాకుండా యావత్ ఇండియన్ ఫిలిం ఇండస్ట్రీని మొత్తం షేక్ చేసిందని, ఇక మన తెలుగు సినిమాలపైనే అందరి దృష్టి ఉంటోందని చెప్తున్నారు సినీ పండితులు.

- మూర్తి