ఆ ఇద్దరిలో ఎవరు...?

Posted: 06/07/2016 01:36 PM IST

టాలీవుడ్ లో స్టార్ కాంబినేషన్స్ ఎప్పుడూ మారుతుంటేనే ఆ సినిమాలు చాలా ఆసక్తికరంగా ఉంటాయి. ఎప్పుడూ ఉండే కాంబినేషన్ లో కొత్తదనం చూపించాలన్నా కుదరని పని. అందుకే, ఇప్పుడు తాజాగా త్రివిక్రమ్ శ్రీనివాస్ దిల్ రాజు ప్రొడ్యూసర్ గా ఒక సినిమాని ఎనౌన్స్ చేసినట్లున్నాడు. ఇంతవరకూ బాగానే ఉంది. అయితే, ఈ సినిమాలో హీరో ఎవరిని తీసుకునేది చెప్పకుండా సస్పెన్స్ గా ఉంచారు. అయితే ఈ కాంబినేషన్ లో హీరో ఎవరై ఉండొచ్చు అన్నదానికి ఫిలిం నగర్ లో ఇద్దరి పేర్లు మాత్రం స్ట్రాంగ్ గా వినిపిస్తున్నాయి.

గతంలో దిల్ రాజుతో సినిమా తీసేందుకు డేట్స్ ఇచ్చిన రవితేజ అప్పుడు కొంచెం బిజీగా ఉండి సినిమా చెయ్యలేకపోయాడు. అయితే ఆ డేట్స్ ఖాళీగానే ఉన్నాయి కాబట్టి , అందులోనూ రవితేజ త్రివిక్రమ్ కాంబినేషన్ ఇంతవరకూ లేదు కాబట్టి దిల్ రాజు మాత్రం స్ట్రాంగ్ గా రవితేజని రికమెండ్ చేస్తున్నాడట. కానీ, త్రివిక్రమ్ శ్రీనివాస్ మాత్రం బన్నీ డేట్స్ కోసం ఆరాతీస్తున్నాడని, బన్నీడేట్స్ కుదిరితే మాత్రం ఖచ్చితంగా మళ్లీ అల్లు అర్జున్ తో ముచ్చటగా మూడోసినిమా చేసేస్తాడని చెప్తున్నారు సినీ విశ్లేషకులు.

మరి దిల్ రాజు ఎటువైపు మొగ్గుచూపుతాడో చూడాలని, దిల్ రాజు టేస్ట్ ప్రకారం రవితేజతో త్రివిక్రమ్ సంభాషణలు కలిస్తే చాలా బాగుంటాని, ఈ కాంబినేషన్ సరికొత్తగా ఉంటుందని చెప్తున్నారు అభిమానులు. ఈ ఇద్దరిలో ఎవరితో వీరి సినిమా ఉండబోతుందో తెలుసుకోవాలంటే మరిన్ని రోజులు ఆగాల్సిందే.

- మూర్తి