శామ్...శామ్..నువ్వే కావాలి..!

Posted: 06/07/2016 12:14 PM IST

Samantha is tollywood most wanted heroine

అప్పట్లో ఏమోగానీ ఈ రోజుల్లో ముఖ్యంగా ఇప్పుడున్న ట్రెండ్ లో ఒకే హీరోయిన్ తో ఏ దర్శకుడైనా మళ్లీ మళ్లీ చేయాలనుకుంటారా ! కానీ ఆ హీరోయిన్ తో మాత్రం దర్శకులు మళ్లీ మళ్లీ చేయడానికి రెడీ అంటున్నారు. అనడమే కాదు చేస్తున్నారు కూడా. డైరక్టర్ల పాలిట వరంగా మారిన ఆ హీరోయిన్ ఎవరు ? భామ వెనక సినీబాసులు ఎందుకు పడుగెడుతున్నారు ? వివరాలు ఆరాతీస్తే.....

సౌత్ చిన్నది సమంత ఇటు తెలుగు అటు తమళం సినీ పరిశ్రమలను ఏలేస్తోంది. హిట్స్ వస్తే ఆఫర్లురావడం కామనే. అయితే ఈ అమ్మడు ఫ్లాపుల్లో ఉన్నా కానీ , ఫ్యాన్స్ కి ఇష్టం లేకపోయినా ఇటు దర్శకులు అటు హీరోలు సినిమాలు చేయడానికి సై అంటున్నారు.

టాలీవుడ్ విషయాన్నే తీసుకుంటే మహేష్ బాబు 1నేనొక్కడినే సినిమా పోస్టర్ పై చేసిన కామెంట్ తో సమంతపై ఆ హీరో ఫ్యాన్స్ ఆగ్రహం పెంచుకున్నారు. కానీ మళ్లీ మహేష్ ఆమెతో బ్రహ్మోత్సవం సినిమా చేశాడు. సేమ్ టు సేమ్ ఇలానే తమిళ స్టార్ హీరో సూర్య సరసన సికిందర్ సినిమా చేసింది. ఆ మూవీ ఫ్లాప్ అయినా కానీ24 సినిమాలో నటించే ఛాన్స్ ఇచ్చాడు. కేవలం హీరోలే కాదు దర్శకులు సైతం అమ్మడితో చేసేందుకు సై అంటున్నారు.

శ్రీకాంత్ అడ్డాలతో సీతమ్మ వాకిట్లో సిరిమల్లె చెట్టు, బ్రహ్మోత్సవం ఇక విక్రమ్ కుమార్ తో మనం, 24 ఇప్పుడు త్రివిక్రమ్ తో అత్తారింటికి దారేది , అ..ఆ సినిమాలు చేసింది. ఎందుకు సమంతనే తమ హీరోయిన్ గా డైరక్టర్లు కూడా పెట్టుకోవడానికి ఆసక్తి చూపుతున్నారంటే....

పాప అందరికీ అందుబాటులో ఉంటుందట. రెమ్యునిరేషన్ పరంగా కాదు ... డేట్స్ పరంగా అని టాక్. ఏదర్శకుడు, హీరో, నిర్మాతకైనా అవసరమైన టైమ్ లో కావాల్సినన్ని రోజులు ఇస్తుంది కాబట్టే... సమంత అంటే అందరూ ఓకే ఓకే అంటున్నారు. ఎవరికీ ఇబ్బంది కలగకుండా డేట్స్ ఇచ్చేయగల హీరోయిన్ కావడంతో సామ్..సామ్ అంటూ పరుగులు పెడుతున్నారు..పొగడేస్తున్నారు. అందుకే దర్శకులు అందరూ సమంతకే ముందు పిలిచి మరీ ఆఫర్ ఇస్తున్నారని చెప్తున్నారు సినీ పండితులు.

- మూర్తి