చిరు చిందేస్తే స్టేజ్ అదుర్స్...!

Posted: 06/07/2016 11:44 AM IST

Megastar chiranjeevi dance show in siima awards

అత్యంత ప్రతిష్టాత్మకంగా జరిగే సైమా సౌత్ ఇండియన్ ఫిలిం ఇండస్ట్రీ అవార్డ్ ఫంక్షన్ ఈసారి సరికొత్తగా ముస్తాబవుతోంది. ప్రతి సంవత్సరం స్టార్స్ తో, స్టేజిపైన వారి పెర్ఫామెన్స్ తో సైమా సౌత్ ఇండియాలోనే నెంబర్ వన్ ఈవెంట్ గా పేరు తెచ్చుకున్న సంగతి తెలిసిందే.

గత యేడాది ఈ అవార్డ్ ఫంక్షన్ లో ప్రభుదేవా కొరియోగ్రాఫింగ్ లో శృతిహాసన్ , మోహన్ లాల్ లాంటి స్టార్స్ స్టేజిపైన పెర్ఫామెన్స్ ఇస్తే, ఇప్పుడు ఈ సంవత్సరం సైమా మెగాస్టార్ చిరంజీవితో స్టెప్పులు వేసేందుకు సిధ్దమైపోతోంది.

సైమా అవార్డ్స్ లో శ్రీదేవి , ప్రభుదేవాల కాంబినేషన్ డ్యాన్స్ ని ఇప్పిటికీ ఎవ్వరూ మర్చిపోలేరు. మరి ఇప్పుడు ప్రభుదేవా కొరియోగ్రాఫ్ లో చిరంజీవి చిందేస్తే స్టేజి అదిరిపోవాల్సిందే అంటున్నారు అందరూ.
ఈ సంవత్సరం మెగాస్టార్ ఈ స్టేజిషో ఇచ్చేందుకు రెండురోజులు డ్యాన్స్ ప్రాక్టీస్ కూడ చేయనున్నట్లుగా సైమా ప్రకటించింది. చిరు డ్యాన్స్ చేస్తున్నప్పుడు తన తనయుడు రామ్ చరణ్ తేజ్ ని కూడ స్టేజిమీదకు తెచ్చేందుకు ప్లాన్ చేస్తున్నట్లుగా సమాచారం.

ఇదే కనుక జరిగితే మెగాస్టార్ చిరంజీవి స్టేజ్ పెర్ఫామెన్స్ లైవ్ లో మనందరం చూడొచ్చని, ఇది మెగాస్టార్ 150వ సినిమాకి మంచి ప్రమోషన్ కూడ అవుతుందని చెప్తున్నారు అందరూ.
కొసమెరుపు ఏంటంటే, ఇంతవరకూ ఎలాంటి అవార్డ్ ఫంక్షన్ లోనూ చిరంజీవి స్టేజి పెర్ఫామెన్స్ ఇవ్వలేదు. ఇదే మొట్టమొదటిసారి.

- మూర్తి