అక్కినేని హీరోతో రొమాన్స్ చేయనున్న రెజీనా

Posted: 12/08/2015 03:55 PM IST

మలయాళంలో ఘనవిజయం సాధించిన బ్యూటీఫుల్ లవ్ ఎంటర్ టైనర్ ‘ప్రేమమ్’. ఈ చిత్రాన్ని తెలుగులో అక్కినేని నాగచైతన్య హీరోగా రీమేక్ చేస్తున్నారు. యువ దర్శకుడు చందు మొండేటి దర్శకత్వంలో ‘సితార ఎంటర్ టైన్మెంట్స్’ పతాకంపై పి.డి.వి ప్రసాద్ సమర్పణలో యువ నిర్మాత సూర్యదేవర నాగవంశీ నిర్మిస్తున్నారు.

ఇందులో ముగ్గురు హీరోయిన్లు నటించనున్నారు. మలయాళం ఒరిజినల్ వర్షెన్ లో నటించిన అనుపమ పరమేశ్వరన్ లు ఈ రీమేక్ లో కూడా హీరోయిన్ గా నటిస్తుంది. అలాగే మరో హీరోయిన్ గా శృతిహాసన్ నటిస్తుంది. మూడవ హీరోయిన్ గా అయేశా శర్మను అనుకున్నారు. కానీ ఆ పాత్రకోసం అయేశా శర్మకు బదులు తాజాగా రెజీనాను ఎంపిక చేసారు.

ప్రస్తుతం రెజీనా వరుస హిట్ సినిమాలతో లక్కీ హీరోయిన్ గా కొనసాగుతోంది. ఈ పాత్రకు రెజీనా అయితేనే న్యాయం చేస్తుందనే వుద్దేశ్యంతో రెజీనాను తీసుకున్నట్లుగా తెలిసింది. త్వరలోనే అన్ని వివరాలను అధికారికంగా ప్రకటించనున్నారు. ప్రస్తుతం ఈ చిత్ర షూటింగ్ శరవేగంగా జరుగుతోంది.

ఈ చిత్రానికి సంగీతం; గోపిసుందర్, రాజేష్ మురుగేషన్, ; చాయా గ్రహణం: కార్తీక్ ఘట్టమనేని: ఎడిటింగ్: కోటగిరి వెంకటేశ్వర రావు; ఆర్ట్: సాహి సురేష్; ఫైట్స్ : అనల్ అర్స్: ఒరిజినల్ స్టోరి: ఆల్ఫోన్సె పుధరిన్; సమర్పణ: పి.డి.వి. ప్రసాద్; నిర్మాత: సూర్యదేవర నాగవంశీ; స్క్రీన్ ప్లే - మాటలు - దర్శకత్వం: చందు మొండేటి.