ఈ హీరోయిన్ మళ్లీ తల్లి కాబోతుందా?

Posted: 12/11/2015 11:46 AM IST

ఈమధ్య బాలీవుడ్ లో అన్ని శుభవార్తలే వినిపిస్తున్నాయి. కొద్ది రోజుల క్రితమే బాలీవుడ్ హీరోయిన్ రాణి ముఖర్జీకి ఓ కూతురు పుట్టింది. ఆ కూతురుకు ‘అదిరా’ అనే పేరు కూడా పెట్టారు. ప్రస్తుతం రాణీముఖర్జీ దంపతులు సంతోషంగా వున్నారు. ఇదిలా వుంటే నిన్న సల్మాన్ ఖాన్ కోర్టు కేసు మొత్తానికి క్లియర్ అయిపోయింది. దీంతో బాలీవుడ్ జనాలు సంబరాలు జరుపుకుంటున్నారు. ఇక తాజాగా జెనీలియా గురించి కూడా ఓ శుభవార్త వినిపిస్తోంది.

అదేంటంటే... ఒకప్పుడు టాలీవుడ్ లో ఎనర్జిటిక్ స్టార్ హీరోయిన్ గా భారీ క్రేజ్ ను దక్కించుకున్న జెనీలియా సినిమాలకు దూరంగా వుండి, బాలీవుడ్ హీరో రితేష్ దేశ్ ముఖ్ ను పెళ్లి చేసుకున్న విషయం తెలిసిందే. వీరికి ఓ బాబు (రియాన్) జన్మించాడు. ఇటీవలే వీరి ముద్దుల కొడుకు రియాన్ మొదటి పుట్టినరోజు వేడుకలను ఘనంగా నిర్వహించారు.

అయితే జెనీలియా మరోసారి తల్లికాబోతుందంటూ బాలీవుడ్ లో వార్తలొస్తున్నాయి. అయితే ఈ వార్తలపై రితేష్ ఫ్యామిలీ నుంచి ఇంకా ఎలాంటి స్పందన రాలేదు. మరి ఈ వార్తల్లో ఎలాంటి నిజం వుందో తెలియాలంటే మరికొంత కాలం వేచిచూడాల్సిందే. ప్రస్తుతం రితేష్ వరుస సినిమాలతో బిజీగా వుండగా, జెనీలియా మాత్రం తన కొడుకు రియాన్ తో సంతోషంగా ఎంజాయ్ చేస్తోంది.