కుర్ర హీరోలను నిరాశ పరుస్తున్న శృతిహాసన్

Posted: 12/05/2015 03:47 PM IST

ప్రస్తుతం తెలుగు, తమిళం, హిందీ భాషల సినీ ఇండస్ట్రీలో స్టార్ హీరోయిన్ గా కొనసాగుతున్న శృతిహాసన్ యువ హీరోలను నిరాశపరిచేసింది. శృతిహాసన్ వంటి స్టార్ హీరోయిన్ తో ఒక్క సినిమానైనా చేయాలని యువ హీరోలు భావిస్తుంటారు. కానీ శృతిహాసన్ మాత్రం ఇందుకు నిరాకరిస్తుంది.

ప్రస్తుతం స్టార్ హీరోల సరసన నటిస్తున్న ఈ అమ్మడికి వరుస ఆఫర్లు వచ్చిపడుతున్నాయి. అలాగే శృతిహాసన్ నటిస్తున్న సినిమాలన్నీ కూడా భారీ విజయం సాధిస్తుండటంతో ఈ అమ్మడి క్రేజ్ బాగా పెరిగిపోయింది. దీంతో ఈ అమ్మడు తన రెమ్యునరేషన్ ను కూడా బాగా పెంచేసింది.

అయితే ఇప్పుడిప్పుడే వరుస సక్సెస్ సినిమాలతో దూసుకొస్తున్న యువ హీరోలు శృతిహాసన్ తో నటించాలని అనుకుంటున్నారు. కానీ ఈ అమ్మడు మాత్రం అలాంటి కుర్ర హీరోలకు డేట్స్ ఇవ్వడం కుదరదని తెగేసి చెబుతోందట. స్టార్ హీరోలు, సక్సెస్ ఫుల్ హీరోలతోనే సినిమాలు చేస్తానని శృతిహాసన్ చెబుతోందట. మరి భవిష్యత్తులో ఈ అమ్మడితో నటించే ఆ యువ హీరో ఎవరై వుంటారో చూడాలి.