‘సైనికుడు’ సంగీతంలో మహేష్ సినిమా?

Posted: 10/20/2015 12:17 PM IST

‘శ్రీమంతుడు’తో భారీ బ్లాక్ బస్టర్ హిట్ ను అందుకున్న మహేష్ బాబు ప్రస్తుతం ‘బ్రహ్మోత్సవం’ సినిమా షూటింగ్ లో బిజీగా వున్నాడు. శ్రీకాంత్ అడ్డాల దర్శకత్వంలో రూపొందుతున్న ‘బ్రహ్మోత్సవం’ చిత్రాన్ని పివిపి బ్యానక్ పై ప్రసాద్.వి.పోట్లూరి భారీ బడ్జెట్ తో నిర్మిస్తున్నారు.

‘బ్రహ్మోత్సవం’ తర్వాత మహేష్ హీరోగా ఏఆర్ మురుగదాస్ దర్శకత్వంలో ఓ చిత్రం తెరకెక్కనున్న విషయం తెలిసిందే. ‘గజిని’, ‘తుపాకీ’, ‘కత్తి’ వంటి వరుస బ్లాక్ బస్టర్ హిట్ చిత్రాలను తెరకెక్కించిన మురుగదాస్ దర్శకత్వంలో మహేష్ హీరోగా ఓ చిత్రం తెరకెక్కనుంది. ఇటీవలే ఈ ప్రాజెక్టుకు మహేష్ గ్రీన్ సిగ్నల్ ఇచ్చారు.

ప్రస్తుతం ఫైనల్ స్ర్కిప్ట్ పనుల్లో మురుగదాస్ బిజీగా వున్నారు. అయితే ఈ సినిమాకు స్టైలిష్ మ్యూజిక్ డైరెక్టర్ హారీస్ జయరాజ్ సంగీతం అందించనున్నాడని తెలిసింది. గతంలో మహేష్ నటించిన ‘సైనికుడు’ సినిమాకు హరీస్ సంగీతం అందించారు. అలాగే మురుగదాస్ దర్శకత్వంలో వచ్చిన ‘గజిని’ చిత్రానికి హరీస్ సంగీతం అందించారు. చాలా కాలం తర్వాత మళ్లీ వీరు ముగ్గురు ఈ సినిమాతో కలవనున్నారని తెలిసింది.

ఈ ప్రాజెక్టు కోసం హారీస్ ను ఫైనల్ చేసాడట మురుగదాస్. త్వరలోనే ఈ విషయాన్ని అధికారికంగా ప్రకటించనున్నారు. ఈ సినిమాను ఠాగూర్ మధు, ఎన్వీ ప్రసాద్ లు సంయుక్తంగా భారీ బడ్జెట్ తో నిర్మించనున్నారు. త్వరలోనే అన్ని వివరాలు తెలియనున్నాయి.