రకూల్ తన రేటును భారీగా పెంచేసిందట

Posted: 10/19/2015 04:04 PM IST

Rakul preet singh rejects bellamkonda srinivas film

టాలీవుడ్ లో ప్రస్తుతం వరుస చిత్రాలతో టాప్ 1 స్టార్ హీరోయిన్ గా కొనసాగుతున్న భామ రకూల్ ప్రీత్ సింగ్. ఈ అమ్మడు నటించిన సినిమాలన్నీ కూడా వరుసగా బ్లాక్ బస్టర్ హిట్స్ గా నిలుస్తుండటంతో టాలీవుడ్ లో టాప్ స్టార్ హీరోయిన్ గా కొనసాగుతోంది.

తాజాగా రకూల్ నటించిన ‘బ్రూస్ లీ’ చిత్రం విడుదలై పాజిటివ్ టాక్ ను సొంతం చేసుకోవడంతో ఈ అమ్మడికి మరిన్ని అవకాశాలు వచ్చిపడుతున్నాయి. ప్రస్తుతం ఎన్టీఆర్ సరసన ‘నాన్నకు ప్రేమతో’, అల్లు అర్జున్ తో ‘సరైనోడు’ చిత్రాల్లో నటిస్తూ బిజీగా వుంది. దీంతో ఈ అమ్మడు తన రెమ్యునరేషన్ ను భారీగా పెంచేసింది.

అయితే తాజాగా ఇదే విషయంపై ‘అల్లుడుశీను’ సినిమా ఆఫర్ రిజెక్ట్ చేసేసింది. ‘అల్లుడుశీను’తో హీరోగా ఎంట్రీ ఇచ్చిన బెల్లంకొండ శ్రీనివాస్ హీరోగా విజయ్ కుమార్ కొండ దర్శకత్వంలో ఓ సినిమా రూపొందనుంది. ఈ చిత్రంలో హీరోయిన్ గా నటించమని చిత్ర యూనిట్ రకూల్ ను సంప్రదించారు. అంతేకాకుండా ఈ సినిమా కోసం రకూల్ కు 1.25 కోట్ల రెమ్యునరేషన్ కూడా ఆఫర్ చేసారట. కానీ ఈ ప్రాజెక్టును రకూల్ తిరస్కరించిందని తెలిసింది.

ప్రస్తుతం వరుస హిట్ చిత్రాలతో దూసుకుపోతున్న ఈ అమ్మడు తన రెమ్యునరేషన్ భారీగా పెంచేసింది. అంతేకాకుండా ఇపుడు రకూల్ నటిస్తున్న ‘నాన్నకు ప్రేమతో’, ‘సరైనోడు’ చిత్రాలు విజయం సాధిస్తే.. ఈ అమ్మడు రెమ్యునరేషన్ విషయంలో సమంతను బీట్ చేయడం గ్యారెంటీ అని సినీవర్గాల అంచనా. మరి భవిష్యత్తులో ఏం జరుగనుందో చూడాలి.