ప్రేమికులరోజు కానుకగా త్రివిక్రమ్ ‘అ ఆ’

Posted: 10/06/2015 10:43 AM IST

‘సన్నాఫ్ సత్యమూర్తి’ తర్వాత దర్శకుడు త్రివిక్రమ్ శ్రీనివాస్ దర్శకత్వంలో నితిన్ హీరోగా ఓ చిత్రం తెరకెక్కనున్న విషయం తెలిసిందే. ఈ చిత్రానికి ‘అ ఆ’ అనే టైటిల్ ను ఖరారు చేసారు. ‘అనసూయ రామలింగం’ వర్సెస్ ‘ఆనంద్ విహారి’ అన్నది ఉప శీర్షిక. హారిక అండ్ హాసిని క్రియేషన్స్ బ్యానర్ పై నిర్మాత రాధాకృష్ణ నిర్మిస్తున్నారు.

ఇటీవలే ఈ చిత్ర ముహూర్త కార్యక్రమాలు జరుపుకుంది. అక్టోబర్ 10 నుంచి సెట్స్ పైకి వెళ్లనుంది. రెగ్యులర్ షూటింగ్ జరిపి, వచ్చే ఏడాది ఫిబ్రవరిలో ప్రేమికులరోజు సంధర్భంగా ఈ చిత్రాన్ని విడుదల చేయాలని చిత్ర యూనిట్ అనుకుంటున్నట్లుగా తెలిసింది.

లవ్, రొమాంటిక్, ఫ్యామిలీ ఎంటర్ టైనర్ గా రూపొందుతున్న ఈ సినిమాలో నితిన్ సరసన సమంత, అనుపమ పరమేశ్వరన్’(మలయాళ చిత్రం ‘ప్రేమమ్’ ఫేం) హీరోయిన్లుగా నటించబోతున్నారు. ఈ చిత్రానికి సంగీతం- అనిరుధ్, కెమెరా- నటరాజ్ సుబ్రమణియన్, ఆర్ట్-రాజీవన్, ఎడిటింగ్ -కోటగిరి వెంకటేశ్వర రావు, సౌండ్ డిజైనర్- విష్ణు గోవింద్, శ్రీ శంకర్, ఎగ్జిక్యూటివ్ ప్రొడ్యూసర్- పి.డి.వి.ప్రసాద్.