వీరిద్దరి మధ్య విభేదాలొచ్చాయా?

Posted: 10/05/2015 03:51 PM IST

బాలీవుడ్ లో స్టార్ హీరోలుగా రాణిస్తున్న ‘ఖాన్ త్రయం’ షారుక్ ఖాన్, సల్మాన్ ఖాన్, అమీర్ ఖాన్. షారుక్, సల్మాన్ ల మధ్య గతకొద్ది రోజుల ముందు వరకు విభేదాలు వచ్చి విడిపోయినప్పటికీ మళ్లీ వీరిద్దరూ ఇటీవలే కలిసిపోయారు. అయితే ఎవరితో ఎలాంటి విభేదాలు పెట్టుకోకుండా మిస్టర్ పర్ఫెక్ట్ గా పేరు తెచ్చుకున్న అమీర్ ఖాన్ ప్రస్తుతం సల్మాన్ తో విభేదాలు తెచ్చుకున్నట్లుగా తెలిసింది.

ప్రస్తుతం సల్మాన్, అమీర్ ల మధ్య విభేదాలు వచ్చాయని బాలీవుడ్ జనాలు గుసగుసలు పెడుతున్నారు. మాకు అందిన తాజా సమాచారం ప్రకారం... ఇటీవలే అమీర్ బాంద్రాలోని తన స్వగృహంలో ఓ పార్టీ ఇచ్చాడు. ఈ పార్టీకి సల్మాన్ ను కూడా ఆహ్వానించాడు. అయితే ఆ సంధర్భంలో సల్మాన్ నటించిన ‘భజరంగీ భైజాన్’ సినిమా గురించి అమీర్ ప్రశంసలు కురిపించాడు. గతంలో కంటే చాలా మెచ్యూర్డ్ గా సినిమా తీశారని, ఇలాంటి విజయాలు మరిన్ని సాధించాలంటూ అమీర్ ప్రశంసించాడు.

అంతటితో ఆగకుండా సల్మాన్ పై అమీర్ ఓ సెటైర్ వేసాడట. అదేంటంటే.. కథ, కథనాల గురించి సల్మాన్ అస్సలు పట్టించుకోడంటూ వ్యాఖ్యానించాడట. దీంతో అక్కడే వున్న సల్మాన్.. అమీర్ పై కామెంట్ చేసాడట. అమీర్ అంతా మాత్రం తాను కష్టపడి పనిచేయకపోయినప్పటికీ, ఇతరుల శ్రమను, గొప్పతనాన్ని మాత్రం గుర్తిస్తానంటూ సల్మాన్ సెటైర్ వేసాడట. దీంతో ఇద్దరి మధ్య కోల్డ్ వార్ నడుస్తోందని బాలీవుడ్ లో వార్తలు వినిపిస్తున్నాయి.

అయితే ఈ విషయంపై ఇంకా ఈ ఇద్దరు హీరోలు ఏ విధంగా కూడా స్పందించలేదు. మరి నిజంగా వీరి మధ్య విభేదాలు వచ్చాయో లేక వీరి స్నేహం సజావుగానే వుందో లేదో తెలియాలంటే మరికొంత కాలం వేచిచూడాల్సిందే.